މިހާރު ރާއްޖެ އަށް އެންމެ ގިނަ ޓޫރިސްޓުން އަންނަ ޗައިނާގެ ޓޫރިސްޓުން އިތުރުކުރުމަށްޓަކައި އެމްއެމްޕީއާރުސީން އެ ގައުމުގެ މަޝްހޫރު އޮންލައިން ޕޭމަންޓް ހިދުމަތްދޭ ވީޗެޓް ޕޭއާއެކު އެއްބަސްވުމެއްގައި ސޮއިކޮށްފި އެވެ.
އެ އެއްބަސްވުމުގައި ސޮއިކުރީ ޗައިނާގައި މިއަދު ނިންނައިލާ "އައިޓީބީ ޗައިނާ ފެއާ" ގެ ތެރޭގަ އެވެ.
އެ އެއްބަސްވުމުގައި އެމްއެމްޕީއާރްސީގެ ފަރާތުން ސޮއިކުރީ ޑެޕިއުޓީ މެނޭޖިން ޑިރެކްޓަރު ޒިހުނީ ރަޝީދެވެ. ވީޗެޓްގެ ރީޖަނަލް ޑައިރެކްޓާ ފޯ ސައުތުއީސްޓް އޭޝިއާ އޭޓީއެން އެންގް އެވެ.
ވީޗެޓް ޕޭ އަކީ ޗައިނާގައި އެތައް މިލިއަން ބަޔަކު ބޭނުންކުރާ ހިދުމަތެކެވެ.
ވީޗެޓާ އެކީ އެމްއެމްޕީއާރްސީން ހެދީ ތިން އަހަރު ދުވަހުގެ އެއްބަސްވުމެކެވެ. އަދި އެއްބަސްުމުގެ ދަށުން ވީޗެޓް ޕޭއިން ފައިސާ ދެއްކޭނެ އެެވެ.
ވީޗެޓްގެ ރީޖަނަލް ޑައިރެކްޓާ ފޯ ސައުތުއީސްޓް އޭޝިއާ އޭޓީއެން ވިދާޅުވީ މިހާރު ޕައިލެޓް ޕްރޮޖެކްޓެއްގެ ދަށުން އެއާޕޯޓުގެ ޑިއުޓީ ފްރީ ފިހާރަތަކާއި ސަލާތާއި އަދި ސިޓީ ގާޑަންގައި ވީޗެޓް ޕޭ ބޭނުންކުރަމުން އަންނަ ކަމަށެެވެ.