ހުޅުމާލެ އިން ދަނޑުވެރިކަމަށް އިތުރު ބިން ކުއްޔަށް ދޫކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުޅުވާލައިފި އެވެ.
މިއީ އެ ކުންފުނިން ހިންގާ "ރަށްވެހި ދަނޑުވެރިކަމު" ގެ މަޝްރޫއުގެ ދެވަނަ ފިޔަވަހި ފެއްޓުމަށްޓަކައި ހުޅުވާލި ފުރުސަތެކެވެ. އެގޮތުން މިހާރު ބިން ކުއްޔަށް ދޫކުރަން ހުޅުވާލާފައި ވަނީ ޒުވާނުންނާއި ހާއްސަ އެހީއަށް ބޭނުންވާ ފަރާތްތަކަށް ހާއްސަ ކުރެވިފައިވާ ބިންތަކެވެ.
މި ބިންތަކަށް އެދުމުހެ ފުރުސަތު އަންނަ މަހުގެ 12 އާ ހަމައަށް ވަނީ ހުޅުވާލައިފަ އެވެ. މިކަމާ ބެހޭ އިތުރު މައުލޫމާތު އެޗްޑީސީގެ ހޮޓްލައިން 3353535 އަށް ގުޅައިގެން ހޯދޭނެ އެވެ.
އެޗްޑީސީން 2021 ގައި ފެށި ރަށްވެހި ދަނޑުވެރިކަމުގެ މަޝްރޫއަކީ ދަނޑުވެރިކަމަށް އާންމުން ހޭލުންތެރިކަން އިތުރުކޮށް ދަނޑުވެރިކަމުގެ ސިނާއަތަށް މީހުން ޝައުގުވެރި ކުރުމަށް ހިންގާ މަޝްރޫއކެވެ. މި މަޝްރޫއުގެ ފުރަތަމަ ފިޔަވަހީގައި 48 ދަނޑުވެރިންނަށް 16 ބިމެއް ދޫކޮށްފައިވެ އެވެ.
މި މަޝްރޫއަށް ބިޒްނަސް ސެންޓަ ކޯޕަރޭޝަން (ބީސީސީ) އާއި އެގްރޯނެޓްގެ ފަންނީ އެހީތެރިކަން ލިބެ އެވެ.