އަސަރު ގަދަ ލޯބީގެ ވާހަކައެއް ކިޔައިދޭނެ ހޮލީވުޑްގެ ފިލްމު "އިޓް އެންޑްސް ވިތު އަސް" މި އަހަރުގެ އޮގަސްޓްގައި ގެނެސްދޭން ނިންމައިފި އެވެ.
ވަރަށް ގިނަ ބަޔަކު އިންތިޒާރު ކުރަމުން އަންނަ މި ފިލްމަކީ ހަމަ އެ ނަމުގައި ލިޔުންތެރިޔާ ކޮލީން ހޫވާ 2016 ގައި ގެނެސްދިން މަގުބޫލު ވާހަކައަށް ބިނާކޮށް ޖަސްޓިން ބަލްޑޯނީ ޑައިރެކްޓްކޮށްފައިވާ ފިލްމެކެވެ. "އިޓް އެންޑްސް ވިތު އަސް" ގެ މައިގަނޑު ތަރިންނަކީ ބްލޭކް ލައިވްވީ އާއި ފިލްމުގެ ޑައިރެކްޓަރެވެ.
މީގެ އިތުރު ކާސްޓުންގެ ތެރޭގައި ބްރޭންޑަން ސްކެލެނާ، ޖެނީ ސްލޭޓް، ހަސަން މިނާޖް އަދި އެމީ މޯޓަން ހިމެނެ އެވެ.
ސޮނީ ޕިކްޗާސް އިން ޑިސްޓްރިބިއުޓްކުރާ "އިޓް އެންޑްސް ވިތު އަސް" ސިނަމާތަކަށް އަންނާނީ އޮގަސްޓް 9 ގަ އެވެ.