މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އެޕްރެންޓިސްޝިޕްގެ އާ ޕްރޮގްރާމަކަށް ހުޅުވާލައިފި އެވެ.
އެ ކުންފުނިން މިއަދު ބުނީ މީގައި ބައިވެރިވާން ބޭނުންވާ ޒުވާނުންނަށް އެ ފުރުސަތު އަންނަ މަހުގެ 24 އާ ހަމައަށް ހުޅުވާލާފައިވާ ކަމަށެވެ. ހަ މަސް ދުވަހަށް ކުރިިއަށް ގެންދާ ޕްރޮގްރާމްގައި ބައިވެރިންނަށް ކޮންމެ މަހަކު 5،000ރ. ގެ އެލަވަންސެއް ވެސް ދޭނެ އެވެ.
އެމްޕީއެލުން ބުނީ އެޕްރެންޓިސް ޕްރޮގްރާމް ހާއްސަކޮށްފައި ވަނީ އުމުރުން 18-30 އާ ދެމެދުގެ ޒުވާނުންނަށް ކަމަށެވެ. އަދި ކުރިމަތިލާ ޒުވާނުން ވާން ޖެހެނީ ގްރޭޑް 10 ނިންމާފައިވާ މީހުންނަށެވެ. ޕްރޮގްރާމުން ފުރުސަތު ދޭން ހަމަޖެހިފައި ވަނީ 9 ޒުވާނަކަށެވެ.
މި އެޕްރެންޓިސް ޕްރޮގްރާމަކީ ޔޫތު މިނިސްޓްރީއާ ގުޅިގެން ކުރިއަށް ގެންދަން ނިންމާފައިވާ ޕްރޮގްރާމެކެވެ. ކުރިން ވެސް އެމްޕީއެލުން މި ޕްރޮގްރާމް ހިންގާފައިވެ އެވެ.