ނެދަލޭންޑްސް އިން ޑެންމާކަށް ފުރަން ތައްޔާރުވެފައި އޮތް ކޭއެލްއެމް އެއާލައިންސްގެ މަތިންދާބޯޓެއްގެ އިންޖީނުތެރެއަށް މީހަކު ވެއްޓި މަރުވެއްޖެ އެވެ.
މި ހާދިސާ އިއްޔެ ހިނގާފައި ވަނީ އެމްސްޓަޑަންގެ ޝިފޯލް އެއާޕޯޓްގަ އެވެ. އިއްޔެ މެންދުރު ހިނގި މި ހާދިސާގެ ވާހަކަ ނެދަލޭންޑްސްގެ ރޯޔަލް މިލިޓަރީ ޕޮލިހުން ސޯޝަލް މީޑިއާގައި ވެސް ހިއްސާކޮށްފައިވެ އެވެ.
މި ހާދިސާ މިހާރު އިތުރަށް ތަހުގީގު ކުރަމުން އަންނަ އިތުރު ތަފުސީލެއް މިހާތަނަށް ހާމަކޮށްފައެއް ނުވެ އެވެ.
Vandaag is er een afschuwelijk incident geweest waarbij een persoon in een vliegtuigmotor is beland. Onze gedachten gaan uit naar de nabestaanden en we hebben zorg voor de passagiers en collega’s die dit hebben gezien. De Koninklijke Marechaussee voert momenteel onderzoek uit. https://t.co/G7QD0Ihevl
— Schiphol (@Schiphol) May 29, 2024
އެހެންވެ ބޯޓްގެ އިންޖީނުތެރެއަށް ވެއްޓުނީ ޕެސެންޖަރެއް ކަމެއް ނުވަތަ ބޯޓްގެ މުވައްޒަފެއް ކަމެއް ސާފެއް ނުވެ އެވެ. އެކަމަކު ބޯޓްގެ އިިންޖީނުތެރެއަށް މީހަކު ވެއްޓި މަރުވި އިރު، އިންޖީނު އޮތީ ޖައްސައިފައި ކަމަށް ނެދަލޭންޑްސްގެ ގައުމީ އެއާލައިން، ކޭއެލްއެމުން ނެރުނު ބަޔާނެއްގައި ބުންޏެވެ. ނަމަވެސް ހާދިސާ ހިނގަން ދިމާވި ގޮތާ ބެހޭ ގޮތުން އެއްވެސް އެއްޗެއް ބުނެފައެއް ނުވެ އެވެ.
މި ހިތާމަވެރި ހާދިސާ ހިނގި ޝިފޯލް އެއާޕޯޓަކީ ޔޫރަޕްގެ އެންމެ ބިޒީ އެއް އެއާޕޯޓެވެ. އިއްޔެގެ ހާދިސާއާ ގުޅިގެން އެ އެއާޕޯޓުން ސޯޝަލް މީޑިއާގައި ކަންބޮޑުވުން ފާޅުކޮށް މަރުވި މީހާގެ އާއިލާ އަށް ތައުޒިޔާ ފޮނުވާފައިވެ އެވެ.