ބައެއް ފަޅުރަށްތަކާއި ފަޅުތަކެއް ހިމެނޭހެން ޓޫރިޒަމަށް ތަރައްގީކުރަން ބީލަމަށް ހުޅުވާލައިފި އެވެ.
އަލަށް ހުޅުވާލި ރަށްރަށަށް ޝައުގުވެރިކަން ފާޅުކޮށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައިވާ އިރު، ޕްރޮޕޯސަލްއާ އެކު ހުށަހަޅަން ޖެހޭ އެޕްލިކޭޝަން ފޯމް ޓޫރިޒަމް މިނިސްޓްރީގެ ވެބްސައިޓް ލިބޭނެ އެވެ. ޓޫރިޒަމަށް ހުޅުވައިލި ތަންތަނުގެ ތެރޭގައި ހިމެނެނީ 11 އަތޮޅަކުން 14 ރަށަކަށާއި ތިން ފަޅެކެވެ.
ޓޫރިޒަމަށް އަލަށް ހުޅުވާލާފައިވާ ތަންތަނަކީ:
* ހދ. ވައިކަރަމުރައިދޫ (15 ހެކްޓަރު)
* ށ. ކުޑަޅައިމެންދޫ
* ރ. ދިއްކުރެއްދޫ
* ޅ. ދިއްފުށި
*. ޅ. ވިހަފަރުފިނޮޅު
* ކ. ހިއްމިއްޔަ ފަޅު
* ކ. އަތޮޅު ފަޅެއް
* އއ .އަލިކޮއިރަށް
* ވ. ފަޅެއް
* ތ. ގާލީ
* ތ. ރުއްތިބިރަށް
* ތ. ކަނިމީދޫ
* ލ. ކަށިދޫ
* ލ. ހަންހުށި
* ގއ. ބޭރުމައުޑޫ
* ގދ. ކަޅެހުއްޓާ
މި ތަންތަނުގެ ތެރެއިން އެންމެ ބޮޑު ލީޒް އެކިއުޒިޝަން ކޯސްޓެއް ދައްކަން ޖެހެނީ ކ. ހިއްމިއްޔާފަޅަށެވެ. އެއީ 23.5 މިލިއަން ޑޮލަރެވެ. ދެން އެންމެ ބޮޑު އެކިއުޒިޝަން ކޯސްޓެއް ދައްކަން ޖެހެނީ ޅ. ދިއްފުއްޓަށެވެ.އެއީ 18.5 މިލިއަން ޑޮލަރެވެ.