ކުރިއަށް ބޮޑު އީދު ފާހަގަކުރަން އައްޑޫ ފޭދޫގައި "ގުޑުވާ" ގެ ނަމުގައި މިއުޒިކް ޝޯއެއް ބާއްވަން ނިންމައިފި އެވެ.
އަންނަ މަހުގެ 17 ވަނަ ދުވަހުގެ ރޭ ފޭދޫ ބަނދަރުމަތީގައި ބާއްވާ މި ޝޯގައި ރާއްޖޭގެ މަޝްހޫރު ފަންނާނުންތަކެއް ފަޕޯމްކުރަން ހަމަޖެހިފައިވެ އެވެ.
އޭގެ ތެރޭގައި މިހާރު ފިލްމު ވެސް ކުޅޭ ލަވަކިޔުުންތެރިޔާ މަރިޔަމް އަޝްފާ އާއި އީސަ ހިމެނެ އެވެ. އަޝްފާ މީގެ ކުރިން ވެސް އައްޑޫގެ ބައެއް ޝޯތަކުގައިިވެރިވެފައިވެ އެވެ.
"ގުޑުވާ" ގެ ނަމުގައި އައްޑޫގައި ބޮޑު އީދަށް ޝޯއެއް ބާއްވަން ނިންމި އިރު، މި އަހަރުގެ ބޮޑު އީދު ކުލަގަދަ ފާހަގަކުރަން އައްޑޫ ސިޓީ ކައުންސިލުން ޖޫން 16-22 އަށް ކުރިއަށް ގެންދަން ހަމަޖެހިފައިވާ "އައްޑޫ އީދި ސަމާ" ގެ ތެރޭގައި މިއުޒިކް ޝޯއެއް ބާއްވަން ހަމަޖެހިފައިވެ އެވެ.
ހިތަދޫގައި ޖޫން 22 ވަނަ ދުވަހުގެ ރޭ ބާއްވާ ޝޯގައި ވެސް ރާއްޖޭގެ މަޝްހޫރު ފަންނާނުންތަކެއް ޕަފޯމް ކުރާނެ އެވެ.