އަންނަ މަހު ފާހަގަކުރާ ބައިނަލްއަގުވާމީ ކަނޑުގެ ދުވަހުގެ މުނާސަބަތުގައި ފިޝަރީޒް މިނިސްޓްރީން ބޮޑު މަސް ރޭހެ ބާއްވަން ނިންމައި އޭގައި ބައިވެރިވާން ހުޅުވާލައިފި ބ އެވެ.
ކަނޑުގެ ދުވަހުގެ ގޮތުގައި ފާހަގަ ކުރަނީ ކޮންމެ އަހަރެއްގެ ޖޫން 7 ގަ އެވެ.
އެ ދުވަހާ ގުޅުވައިގެން ފިޝަރީޒް މިނިސްޓްރީން ބާއްވާ މަސް ރޭހަކީ ދައުލަތުގެ މުއައްސަސާތަކުގެ އިތުރުން އަމިއްލަ ޖަމިއްޔާ ޖަމާއަތްތަކާއި ކްލަބުތަކަށް ވެސް ހުޅުވާލައިގެން ކުރިއަށް ގެންދަން ނިންމާފައިވާ މުބާރާތެކެވެ.
މި މުބާރާތުގެ އެއްވަނަ އަށް 15،000ރ، ދެވަނަ އަށް 10،000ރ. އަދި ތިންވަނަ އަށް 7،000ރ. ލިބޭނެ އެވެ. އަދި އެންމެ ބަރު މަސް ބާނާ މީހަކަށް 1،000ރ. ދޭނެ އެވެ.
މުބާރާތުގެ ހޯސްޓިން ޕާޓްނަރަކީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އެވެ.