މެއި މަހު އެންމެ ގިނައީ ވައްކަމުގެ މައްސަލަތައް

މެއި މަހުގެ ތެރޭގައި ފުލުހުންނަށް އެންމެ ގިނައިން ރިޕޯޓްކޮށްފައި ވަނީ ވައްކަމުގެ މައްސަލަތައް ކަމަށް ބުނެފި އެވެ.

މިދިޔަ މަހު ހުށަހެޅި މައްސަލަތަކާ ގުޅޭ ގޮތުން ފުލުހުން އާންމުކޮށްފައިވާ ތަފާސްހިސާބުތައް ދައްކާ ގޮތުން މެއި މަސް ނިމުނު އިރު ވައްކަމުގެ 244 މައްސަލަ ރިޕޯޓްކޮށްފައިވެ އެވެ.

މިދިޔަ މަހުގެ ތެރޭގައި ޖުމްލަ 759 މައްސަލައެއް ފުލުހުންނަށް ހުށަހެޅި އެވެ. ވައްކަމުގެ މައްސަލަތަކުގެ އިތުރުން ދެން އެންމެ ގިނައީ އެކްސިޑެންޓުގެ މައްސަލައެވެ. އެގޮތުން އެފަދަ 169 މައްސަލައެއް ހުށަހަޅާފައިވެ އެވެ. ތިން ވަނަ އަށް އެންމެދ ގިނައީ މަސްތުވާތަކެތީގެ މައްސަލަތަކެވެ. އެފަދަ 88 މައްސަލައެއް ހުށަހަޅާފައިވެ އެވެ.

މެއި މަހު ހުށަހަޅާފައިވާ މައްސަލަތައް:

* ވައްކަން ކުރުމުގެ މައްސަލަ: 244
* ޓްރެފިކް އެކްސިޑެންޓު މައްސަލަ: 169
* މުދަލަށް ގެއްލުން ދިނުމުގެ މައްސަލަ: 45
* މަކަރާއި ހީލަތުގެ މައްސަލަ: 25
* ޖިންސީ ގޯނާގެ މައްސަލަ: 13
* އަނިޔާ ކުރުމުގެ މައްސަލަ: 30
* ގެވެށި އަނިޔާ މައްސަލަ: 18
* ފޭރުމުގެ މައްސަލަ: 36
* ފޯޖް ކުރުމުގެ މައްސަލަ: 12
* މަސްތުވާތަކެއްޗާ ގުޅޭ މައްސަލަ: 88
* އެއްޗެހި ގެއްލުމުގެ މައްސަލަ: 78

ކުށްތައް މަދުކުރުމަށްޓަކައި ފުލުހުން އަންނަނީ ރާއްޖޭގެ އެކި ހިސާބުތަކުގައި ގިނަ މަސައްކަތްތަކެއް ކުރަމުންނެވެ. ހާއްސަކޮށް ބޮޑެތި އާބާދީތައް ހިމެނޭ ސަރަހައްދުތަކުގަ އެވެ.