ބެލުންތެރިންގެ ވަރަށް ބޮޑު މަގުބޫލު ކަމެއް ލިބުނު ބިރުވެރި ފިލްމު "އުދަބާނި" ގެ ދެވަނަ ބައި މި އަހަރުގެ ސެޕްޓެމްބަރުގައި ގެނެސްދޭން ނިންމައިފި އެވެ.
މިދިޔަ އަހަރުން ފެށިގެން މި ފިލްމުގެ ޝޫޓިން ކުރިއަށްދާ އިރު، އަމްޖަދު އިބްރާހީމް (އަމްޖޭ) ޑައިރެކްޓްކުރާ "އުދަބާނި 2" ގެ މައިގަނޑު ކާސްޓުންނަކީ އަހުމަދު އީސަ އާނަންދު) އި އައިމިނަތު ޝުހާ އާއި އަލީ އާޒިމް (ދޮންއައްޔަ) ގެ އިތުރުން ފުރަތަމަ ބައިގެ ވެސް މުހިއްމު ރޯލެއް ކުޅެ، ފިލްމު ޕްރޮޑިއުސްކުރި ހާމިދު އަލީ އެވެ.
"އުދަބާނި" އަކީ 2009 ގައި ރިލީޒްކުރި ފިލްމެކެވެ. އެ ފިލްމުގެ ލީޑް ރޯލު ކުޅުނީ ޔޫސުފް ޝަފީއު (ޔޫއްޕެ) އާއި އާމިރާ އިސްމާއީލެވެ. "އުދަނާބި" ހަދާފައި ވަނީ ވާހަކަ ލިޔުންތެރިޔާ މުހައްމަދު ގާސިމް ހަމަ އެ ނަމުގައި ގެނެސްދިން ވާހަކައަށެވެ. އަދި ފިލްމުގެ ދެވަނަ ބައި ބިނާކޮށްފައި ވަނީ 2012 ގައި ނެރުނު ވާހަކައިގެ ދެވަނަ ބަޔަށެވެ.
"އުދަބާނި 2" ސިނަމާ އަށް ގެންނަން ނިންމާފައި ވަނީ ސެޕްޓެމްބަރު 15 ގަ އެވެ.
ރާއްޖޭވައި މިހާތަނަށް އެންމެ ގިނަ ފީޗާ ފިލްމު ޑައިރެކްޓްކުރި އަމްޖޭ "އުދަބާނި 2" ގެނެސްދޭން ތައްޔާރުވަމުން އަންނަ އިރު، އޭނަގެ އެންމެ ފަހުގެ ފިލްމަކީ 2018 ގެ ބިރުވެރި ފިލްމު "ރޭވުމުން" އެވެ.