"ވޯލްޑް ސިޓީސް ސަމިޓް 2024" ގައި ގައި ބައިވެރިވުމަށް މާލެ ސިޓީ ކައުންސިލުން މިއަދު ސިންގަޕޫރަށް ފުރައިފި އެވެ.
އެކި ގައުމުތަކުގެ ސިޓީތަކުން ބައިވެރިވާ މި ސަމިޓްގައި މާލެ ސިޓީ ކައުންސިލްގެ ފަރާތުން އިސްކޮށް ބައިވެރިވެވަޑައިގަންނަވަނީ މޭޔަރު އާދަމް އާޒިމާއި ޑެޕިއުޓީ މޭޔަރު އަހުމަދު ނަރީޝް އެވެ.
މިކަމާ ގުޅޭ ގޮތުން ފޭސްބުކް ޕޯސްޓެެއްވައި ނަރީޝް ވިދާޅުވީ މި ސަމިޓުގައި ސިޓީތަކުގެ މޭޔަރުންނާއި ލީޑަރުންނާއެކު ނަތީޖާ ނެރެވޭނެ މަސައްކަތްތަކެއް ކުރެއްވޭނެ ކަމަށް އުންމީދު ކުރައްވާ ކަމަށެވެ. އަދި އެކިއެކި ބޭފުޅުންނާ ބައްދަލުކުރައްވައި އުފެއްދުންތެރި މަޝްވަރާތައް ކުރެއްވޭނެ ކަމަށް އުންމީދު ކުރައްވާ ކަމަށް ވިދާޅުވި އެވެ.
ނަރީޝް ވިދާޅުވީ މާލެ އަކީ ސްމާޓް ސިޓީއަކަށް ހެދުމަށް ކައުންސިލުން ގެންގުޅޭ ތަސައްވުރަށް އެހީތެރިކަން ލިބޭނެ އަގުހުރި މައުލޫމާތުތައް ސަމިޓުން ލިބޭނެ ކަމަށް އުންމީދު ކުރައްވާ ކަމަށެވެ.
ނުވަ ވަނަ "ވޯލް ސިޓީސް ސަމިޓް" ކުރިއަށް ދާނީ މާދަމާ އިން ފެށިގެން މި މަހުގެ 4 އަށެވެ.