އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގެ ޑޮކްޓަރަކު ހިތަދޫގައި ދިރިއުޅޭ ގެއަކަށް ބަޔަކު ވަދެ، އެ ގެއިން ވައްކަންކޮށްފި އެވެ.
މިކަމާ ގުޅޭ ގޮތުން ހޮސްޕިޓަލުން މިއަދު ނެރުނު ހާއްސަ އެންގުމެއްގައި ބުނީ މިސްރަށް ނިސްބަތްވާ ފިރިހެން ޑޮކްޓަރު ދިރިއުޅޭ ރަންފިޔާ ގެއަށް ބަޔަކު ވަދެ، ގޭގައި ގެންގުޅޭ ތަކެތީގެ އިތުރުން އަގުހުރި މުދާތަކެއް ވެސް ގެންގޮސްފައިވާ ކަމަށެވެ. ވަގަށް ގެންދިޔަ ތަކެތީގެ ތެރޭގައި ޑޮކްޓަރުގެ ޕާސްޕޯޓާއި ލެޕްޓޮޕާއި އައިޕެޑް ޕްރޯ އާއި 1،500 ޑޮލަރާއި ސެެޓްފިކެޓްގެ އިތުރުން ހެދުމާއި ސެންޓް ވެސް ހިމެނޭ ކަމަށް ހޮސްޕިޓަލުން ބުންޏެވެ.
އެހެންވެ އެތަކެއްޗާ ބެހޭ އެއްވެސް މައުލޫމާތެއް ނުވަތަ އެފަދަ އެއްޗއް ވިއްކަން އުޅޭކަމުގެ މައުލޫމާތު ލިބިއްޖެ ނަމަ 9869529 އަށް ގުޅައި ހިއްސާކޮށް ދޭން އެދިފައިވެ އެވެ.
މި ވައްކަމުގެ މައްސަލަ އޭއީއެޗުން ވަނީ ފުލުހުންނަށް ވެސް ހުށަހަޅައިފަ އެވެ.