ބޮލީވުޑްގެ ތަރި ޝާހްރުކް ޚާންގެ އާ ފިލްމު "ކިންގް" ގެ ޝޫޓިން މިހާރު ސްޕެއިންގައި ކުރިއަށްދާ ކަމަށް މީޑިއާތަކުން ބުނެފި އެވެ.
ސޯޝަލް މީޑިއާގައި ވަނީ ފިލްމުގެ ސެޓުން ލީކްވެފައިވާ ފޮޓޯއެއް ވެސް އާންމުކޮށްފަ އެވެ. އޭގައި ފެންނަނީ ނޫ ކުލައިގެ ސޫޓެއްގައި ބަޔަކާ އަކީ ފެންގަނޑެއްގެ ކައިރީގައި ޝާހްރުކް އިށީނދެގެން އިންނަ ތަނެވެ.
First leak pic from the sets of #KING #SRK is currently shooting in Spain for the film. 🔥 pic.twitter.com/JJv7waFJYt
— Harsh Mishra.. (@iamharsh55) June 1, 2024
"ކިންގް" އަކީ ޝާހްރުކާއި އަންހެން ދަރިފުޅު ސުހާނާ ޚާން ރޯލެއް ވެސް ކުޅެން ހަމަޖެހިފައިވާ އެކްޝަން ތުރިލާއެކެވެ. މީގެ ޑައިރެކްޓަރަކީ ސުޖޯއި ގޯޝް އެވެ. އަދި ފިލްމު ޕްރޮޑިއުސްކުރަނީ ޝާހްރުކްގެ މިދިޔަ އަހަރުގެ "ޕަތާން" ގެ ޑައިރެކްޓަރު ސިދާތު އާނަންދުގެ މާފްލިކްސް ޕިކްޗާސް އާއި ޝާހްރުކްގެ ފިލްމު ކުންފުނި، ރެޑް ޗިލީސް އެންޓަޓައިންމަންޓް ގުޅިގެންނެވެ.
"ކިންގް" ގެ ޝޫޓިން ސްޕެއިންގައި ފެށި ނަމަވެސް މިއާ ބެހޭ އެއްވެސް މައުލޫމާތެއް މިހާތަނަށް ރަސްމީކޮށް ހިއްސާކޮށްފައެއް ނުވެ އެވެ. އެކަމަކު މިދިޔަ މަހު ޝާހްރުކް ވަނީ އާ ފިލްމުގެ ޝޫޓިން މި މަހުގެ ތެރޭގައި ފަށާނެ ކަމަށް ބުނެފަ އެވެ.
އޭނަގެ ތިން ފިލްމެއް މިދިޔަ އަހަރު ރިލިޒްވި އެވެ. އެއީ "ޕަތާން" ގެ އިތުރުން "ޖަވާން" އާއި "ޑަންކީ" އެވެ.
ރިޕޯޓްތައް ބުނާ ގޮތުން މި އަހަރުގެ ފަހުކޮޅު "ޝާހްރުކް "ޕަތާން 2" ގެ ޝޫޓިން ވެސް ފަށާނެ އެވެ.