ހޫނުމިން ވަރަށް ބޮޑަށް މަތިވެ، އެކަމުގެ ސަބަބުން ފާއިތުވި 24 ގަޑިއިރުގެ ތެރޭގައި އިންޑިއާ އިން 15 މީހަކު މަރުވެއްޖެ އެވެ.
މީޑިއާތަކުން ބުނީ ހޫނުގަދަވެގެން މީހުން މަރުވި ތަންތަނުގެ ތެރޭގައި ވެރިރަށް ނިއު ދިއްލީ އާއި ރާޖަސްތާނާއި ބިހާރާއި ޖާކަންދު ހިމެނޭ ކަމަށެވެ. އާދަހޔާހިލާފަށް ހޫނުގަދަވުމުގެ ސަބަބުން ހީޓްސްޓްރޯކް ޖެހިގެން މިހާރު ވެސް އެކިއެކި ސްޓޭޓްތަކުގެ ހޮސްޕިޓަލްތަކުގައި މީހުން އެޑްމިޓްކޮށް އަންނަނީ ފަރުވާ ދެމުންނެވެ.
މިދިޔަ މަހުގެ ތެރޭގައި ބޮލީވުޑްގެ މަޝްހޫރު ތަރި ޝާހްރުކް ޚާނަށް ވެސް ހީޓްސްޓްރޯކެއް ޖެހިގެން އަހުމަދުއާބާދުގެ ހޮސްޕިޓަލެއްގައި އެޑްމިޓްކޮށްގެން ފަރުވާ ދީފައިވެ އެވެ.
އެޕްރީލް މަހުން ފެށިގެން އިންޑިއާގެ ހޫނުމިން ވަރަށް ބޮޑަށް މަތިވެފައިވާ އިރު، އެ މަހުގެ 19 އިން ފެށިގެން އެ ގައުމުގެ ލޯކް ސަބާގެ އިންތިހާބު ވެސް ދަނީ ކުރިއަށެވެ. މި އިންތިހާބުގެ ވޯޓްލުން މިއަދު ނިންމައިލާ އިރު، ހޫނު ގަދަވުމުވުމުގެ ސަބަބުން އިންތިހާބުގައި ވޯޓްލާން ނުކުތް މީހުން މަދުކަމަށް ކަމާބެހޭ ބައެއް އިދާރާތަކުން ބުނެފައިވެ އެވެ.
މިދިޔަ ހަފުތާގައި ދިއްލީގެ ހޫނުމިން 50 ޑިގްރީ ސެލްސިއަސްއާ ހަމައަށް އަރާފައިވެ އެވެ
ހޫނުގަދަވުމުގެ ސަބަބުން ކަރަންޓާއި ފެން ބޭނުން ކުރާ މިންވަރު ވެސް ވަރަށް ބޮޑަށް އިތުރުވުމާ ގުޅިގެން އެ ހިދުމަތްތަކަށް ވެސް ދަނީ ބުރޫއަރަމުންނެވެ.