ބަންޑާރަނައިބުގެ އޮފީހާއި ދެކޮޅަށް ކުރީގެ ރައީސް އަބްދުﷲ ޔާމީން ސިވިލް ކޯޓަށް ހުށަހެޅި މައްސަލައެއްގެ އަޑުއެހުން މިއަދު ކުރިއަށްގެންދިއުމަށް ތާވަލު ކޮށްފިއެވެ.
ސިވިލް ކޯޓުގައި މިއަދު 11:00 އަށް ތާވަލު ކޮށްފައިވާ އަޑުއެހުމަކީ ޔާމީންގެ ފަރާތުން ބަންޑާރަނައިބުގެ އޮފީހާއި ދެކޮޅަށް 2022 ވަނަ އަހަރު ހުށަހެޅި ދައުވާއެކެވެ.
މި މައްސަލައިގައި ސިވިލް ކޯޓުގައި މިއަދު ކުރިއަށް ގެންދިއުމަށް ހަމަޖެހިފައިވަނީ އަޑުއެހުމެކެވެ.
ޔާމީންގެ ފަރާތުން އޭޖީ އޮފީހާއި ދެކޮޅަށް ހުށަހެޅި މައްސަލައެއްގެ ދައުވާ ސިވިލް ކޯޓުން މިއަދަށް ތާވަލުކުރިއިރު، ކްރިމިނަލް ކޯޓުގައި ޔާމީނާ ދެކޮޅަށް ޕީޖީ އޮފީހުން ހުށަހަޅާފައިވާ ދައުވާއެއް އެބައޮތެވެ.
ޔާމީނަށް އިއްވާފައިވާ 11 އަހަރުގެ ޖަލު ހުކުމް ބާތިލުކޮށް، އެ މައްސަލަ އަލުން ބަލަން ހައިކޯޓުން ހުކުމް ކޮށްފައިވަނީ އޭޕްރިލް 18 ވަނަ ދުވަހުއެވެ. އެހެންނަމަވެސް މިހާތަނަށް އަދި އެ މައްސަލަތަކުގެ އަޑުއެހުމެއް ބާއްވާފައެއް ނުވެއެވެ.