ހައްޖަށް ގެންދަން ނަހާ އަގު 50،000ރ. އަށް ކުޑަކުރުމަކީ އަމާޒެއް ކަމަށްވާ ހައްޖު ކޯޕަރޭޝަނުން ބުނެފި އެވެ.
އެ ކުންފުނީގެ މެނޭޖިން ޑިރެކްޓަރު މުހައްމަދު ޝަކީލް ދައުލަތުގެ މީޑިއާ ޕީއެސްއެމަށް ވިދާޅުވީ ޙައްޖަށް ދާން ރައްޔިތުންކުރާ ހޭދަ ކުޑަކުރުމަކީ ރައީސް ޑރ. މުޙައްމަދު މުޢިއްޒުގެ ވެސް ވަރަށް ބޮޑު އެދިވަޑައިގަތުމެއް ކަމަށެވެ. އެހެންވެ އެކަން ހާސިލްކުރުމަށްޓަކައި މަސައްކަތްތައް ކުރައްވަމުން ގެންދަވާ ކަމަށް ވިދާޅުވި އެވެ.
ޝަކީލް ވިދާޅުވީ މިހާރު މަސައްކަތް ކުރަނީ ކުރިއަށް އޮތް ޔިން އަހަރެއްހާ ދުވަހުގެ ތެރޭގައި ޙައްޖު ދަތުރުތަކުގެ އަގު ކުޑަކުރަން ކަމަށެވެ. ވިދާޅުވިއެވެ. އެގޮތުން އަމާޒަކީ 50،000ރ. އަށް އަގު ތިރިކުރުން ކަމަށް ވިދާޅުވި އެވެ.
މިހާރު ހައްޖަށް ދާން 69،965ރ. ދައްކަން ޖެހެ އެވެ. އަދި މި އަހަރު ރާއްޖެ އިން މީހުން ހައްޖަށް ގެންދަނީ ހައްޖު ކޯޕަރޭޝަނުން އެކަންޏެވެ.
"ލަސްތަކެއް ނުވެ ޙައްޖު ކޯޕަރޭޝަނަށް ހެޔޮ ބަދަލެއް އަންނާނެ،" ޝަކީލު ވިދާޅުވި އެވެ. "އެއާއެކު ރައީސްގެ ތަޞައްވުރާ އެއްގޮތަށް ޙައްޖަށް މީހުން ގެންދާ އަގު ކުޑަކުރެވިގެން ދާނެ."
ހައްޖު ކޯޕަރޭޝަނަކީ ދިވެހިން ހައްޖާއި އުމްރާ އަށް ގެންދަން ސަރުކާރުން އުފައްދާފައިވާ ކުންފުންޏެކެވެ.