މި އަހަރުގެ މިހާތަނަށް ރާއްޖެ އައި ޗައިނާ ޓޫރިސްޓުންގެ އަދަދު 100،000 އިން މައްޗަށް އަރައިފި އެވެ.
ޓޫރިސްޓް އެރައިވަލްސްގެ އެންމެ ފަހުގެ ތަފާސްހިސާބުތައް ދައްކާ ގޮތުން މިދިޔަ ހޮނިހިރު ދުވަހާ ހަމައަށް ޗައިނާ އިން ރާއްޖެ އަށް ޖުމްލަ 101،202 ޓޫރިސްޓުން ޒިޔާރަތްކޮށްފައިވެ އެވެ. މި އަހަރު ފެށުނީއްސުރެ ޗައިނާ އަކީ ރާއްޖޭގެ އެއް ވަނަ މާކެޓެވެ.
ތަފާސްހިސާބުތައް ދައްކާ ގޮތުން މިދިޔަ ހޮނިހިރު ދުވަހާ ހަމައަށް ރާއްޖެ އަށް ޖުމްލަ 895،764 ޓޫރިސްޓުން ޒިޔާރަތްކޮށްފައިވާ އިރު އޭގެ ތެރެއިން 11.3 ޕަސެންޓަކީ ޗައިނާގެ މީހުންނެވެ.
ރާއްޖޭގެ ޓޮޕް 10 މާކެޓަށް ބަލާ އިރު ދެވަނައިގައި 90،336 ޓޫރިސްޓުންނާ އެކީ ރަޝިއާ އޮތް އިރު ތިން ވަނައިގައި އިނގިރޭސިވިލާތް އޮތީ 85،208 ޓޫރިސްޓުންނާ އެކީގަ އެވެ.
މި ލިސްޓްގައި ދެން ހިމެނެނީ އިޓަލީ (75،123 ޓޫރިސްޓުން)، ޖަރުމަން (72،462 ޓޫރިސްޓުން)، އިންޑިއާ (53،852 ޓޫރިސްޓުން)، ފްރާންސް (32،295 ޓޫރިސްޓުން)، އެމެރިކާ (31،663 ޓޫރިސްޓުން)، ސްވިޓްޒަލޭންޑް (21،434 ޓޫރިސްޓުން) އަދި
ޕޮލެންޑް (17،385 ޓޫރިސްޓުން) އެވެ.
ރާއްޖޭގެ މި އަހަރުގެ އަމާޒަކީ މަދުވެގެން 2.3 މިލިއަން ޓޫރިސްޓުން ގެނައުމެވެ.
ރާއްޖޭގައި މިހާރު ރާއްޖޭގައި 174 ރިސޯޓާއި 855 ގެސްޓްހައުސް އާއި 149 ސަފާރީ އާއި 15 ސިޓީ ހޮޓާ އަންނީ މި ތަންތަނުގެ ބެޑް ކެޕޭސިޓީ އަކީ 62،254 އެވެ.