ފުވައްމުލަކު ގެއެއްގެ ބަދިގޭގައި އަލިފާނުގެ ހާދިސާއެއް ހިނގައިގެން ސިފައިން ހަރަކާތްތެރިވެއްޖެ އެވެ.
އެ ސިޓީގެ ދިގުވާޑު އަވަށު "ގެރަދޫގެ" ބަދިގޭގައި ހުރި ހުޑެއްގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ފުވައްމުލަކު ފަޔަރ ސްޓޭޝަނުން މިހާރު ވަނީ ނިއްވާލައިފަ އެވެ.
އެމްއެންޑީއެފުން ބުނީ ބަދިގޭގައި އުދާފައި ހުރި ތެޔޮ ތާހެއްގައި ހުޅުހިފައި ބަދިގޭގައި ހުރި ހުޑުގައި އަލިފާން ރޯވިކަމުގެ މަޢުލޫމާތު މިއަދު ލިބުނީ ހެނދުނު 6:45 ހާއިރު ކަމަށެވެ. އެކަމާ ގުޅިގެން ސަދަން އޭރިއާ ކޮމާންޑް، ފުވައްމުލަކު ފަޔަ ސްޓޭޝަންގެ ފަޔަރފައިޓަރުން އެ ގެއަށް ގޮސް، އަލިފާން ނިއްވުމުގެ މަސައްކަތްކުރި އެވެ. އެގޮތުން ފަޔަފައިޓަރުން ކުރި މަސައްކަތުން އަލިފާން ނިއްވާލެވިފައިވަނީ 6:48 ހާއިރު އެވެ.
މި ހާދިސާގައި އެެއްވެސް މީހަކަށް އަނިޔާއެއް ނުވެ އެވެ.