ޝޫޓިން ފަށާފައި ވަނިކޮށް ބަޖެޓްގެ ތާށިކަން ދިމާވެގެން އަކްޝޭ ކުމާރުގެ ފިލްމެއްގެ މަސައްކަތް ހުއްޓިފައިވާތާ ގިނަ ދުވަސްތަކެއްވެފައިވާ ކަމަށް ރިޕޯޓްތައް ބުނެފި އެވެ.
ބޮލީވުޑް ހަންގާމާ އިިން ބުނީ 2022 ގައި އިއުލާންކޮށް އެ އަހަރުގެ ފަހުކޮޅު ޝޫޓިން ފެށި މަރާޓީ ފިލްމު "ވެދާތު "މަރާތޭ ވީރު ދައުލޭ ސާތު" ގެ މަސައްކަތް ހުއްޓިފައި ވަނީ ޕްރޮޑިއުސަރު ވަސީމް ގްރޭޝީ އަށް ދިމާވެފައިވާ ފައިސާގެ ދަތިކަމާ ހެދި ކަމަށެވެ. އެކްޓަރު މަހޭޝް މަންޖްރޭކަރް ޑައިރެކްޓްކުރާ މި ތާރީހީ ފިލްމަކީ އަކްޝޭގެ ހާއްސަ ފެނިލުނެއް ހިމެނޭ ފިލްމެކެވެ.
މިދިޔަ އަހަރުގެ ނޮވެމްބަރުގައި ރިލީޒްކުރާ ގޮތަށް ކުރިން ޕްލޭންކިުރި "ވެދާތު "މަރާތޭ ވީރު ދައުލޭ ސާތު" އަށް އަކްޝޭ ތިން ދުވަހުގެ ތެރޭގައި އޭނަގެ ބައި ފުރިހަމަކޮށްފައިވާ އިރު، މުޅި ފިލްމުގެ 50 ޕަސެންޓް ޝޫޓިން އޮތީ ނިމިފަ އެވެ. އެކަމަކު ފައިސާގެ ދަތިކަމާ ހުރެ މަސައްކަތް ހުއްޓިފައިވާތާ ގިނަ ދުވަސްތަކެއްވެފައިވާ އިރު، އަލުން ފިލްމުގެ މަސައްކަތް ފެށޭނެ އިރެއް ނޭނގޭ ކަމަށް ފިލްމާ ގުޅުން ހުރި ބައެއް ފަރާތްތަކާ ހަވާލާދީ ހަންގާމާ އިން ބުންޏެވެ.
"ވެދާތު "މަރާތޭ ވީރު ދައުލޭ ސާތު" ގެ ކާސްޓްގައި މަހޭޝްގެ ދަރިފުޅު ސަތިއާ، ވިޝާލް ނިކަމް، ޕަރްވިން ތަރްދޭ އަދި ހަރްދީކް ޖޯޝީ ހި،މެނެ އެވެ. މަހޭޝް އަކީ ސަލްމާންގެ "އަންތިމް" އާއި ސަންޖޭ ދަތުގެ "ވާސްތާވް" އަދި ތައްބޫގެ "އަަސްތިތުވާ" ފަދަ ފިލްމުތައް ގެނެސްދިން ޑައިރެކްޓަރެވެ.
އަކްޝޭގެ އެންމެ ފަހުގެ ފިލްމަކީ އެޕްރީލްގައި ރިލީޒްކުރި "ބަޅޭ މިޔާ ޗޯޓޭ މިއާ" އެވެ. އޭނަ ދެން އެންމެ އަވަހަށް ފެންނާނީ އަންނަ މަހު ގެނެސްދޭން ހަމަޖެހިފައިވާ "ސަރުފީރާ" އިންނެވެ.