ޔޫޓިއުބްގައި އެންމެ ގިނަ ސަބްސްކްރައިބަރުން ތިބި މީހާގެ ރެކޯޑް އެމެރިކާގެ މަޝްހޫރު ޔޫޓިއުބާ މިސްޓަބީސްޓަށް ލިބިއްޖެ އެވެ.
އެ މަގާމު އޭނަ އަށް އިއްޔެ ލިބުނީ ފަސް އަހަރު ވަންދެން ޔޫޓިއުބްގައި އެންމެ ގިނަ ސަބްސްކްރައިބަރުންގެ ރެކޯޑް އޮތް އިންޑިއާގެ މަޝްހޫރު މިއުޒިކް/ފިލްމު ކުންފުނި، ޓީ ސީރީޒް ފަހަތަށް ވައްޓައިލުމަށް ފަހު އެވެެ. މިހާރު ޔޫޓިއުބްގައި މިސްޓަބީސްޓްގެ ސަބްސްރައިބަރުންގެ އަދަދު 269 މިލިއަނަށް އަރަ އެވެ.
ޓީ ސީރީޒްގެ ސަބްސްކްރައިބަރުންގެ އަދަދަކީ މިހާރު 266 މިލިއަނެވެ. އެ ކުންފުނިން އެ މަގާމު 2019 ގައި ހޯދީ ކުރިން ޔޫޓިއުބްގައި އެންމެ ގިނަ ސަބްސްކްރައިބަރުން ތިބި ޕިއުޑިޕައިގެ ނަމުން މަޝްހޫރު ސްވިޑްންގެ ޔޫޓިއުބާ ފެލިކްސް ޖެލްބާގް ފަހަތަށް ޖައްސާލުމަށް ފަހު އެވެ. މިހާރު އޭނަގެ ސަބްސްކްރައިބަރުންގެ އަދަދަކީ އެންމެ 111 މިލިއަނެވެ.
ޔޫޓިބްގައި ލިބުނު ޝަރަފާ ގުޅިގެން އެމެރިކާ އަށް ނިސްބަތްވާ އަދި އަަސްލު ނަމުން ނަމަ ޖިމީ ޑޮނަލްޑްސަން، 26، ބުނީ އެންމެ ބޮޑު ކާމިޔާބީ އަކީ ޕިއުޑިޕައި އަށް ވުރެ ކުރިއަށް ދެވުން ކަމަށެވެ.