މާލޭ ހޮޓެލް ޖެން ކައިރީގައި ހުރި ސައިކަލުތަކެއްގައި އަލިފާން ރޯކޮށްލައިފިއެވެ.
ފުލުހުން ބުނެފައިވަނި ހޮޓެލް ޖެން ކައިރީގައި ސައިކަލު ޕާކިން ޒޯނުގައި ހުރި ސައިކަލުތަކެއްގައި އަލިފާން ރޯކޮށްލާފައިވާކަމަށް ރޭ ދަންވަރު 03:03 ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.
އަލިފާން ރޯކޮށްލުމާއި ގުޅިގެން 7 ސައިކަލަކާއި ވޭނަކަށް ގެއްލުން ލިބިފައިވާކަމަށް ފުލުހުން މައުލޫމާތުދެއެވެ. އަދި މީގެތެރެއިން ތިން ސައިކަލެއް ބޭނުން ނުކުރެވޭވަރަށް ވަނީ އަނދާފައެވެ.
ފުލުހުން ބުނެފައިވަނީ ސައިކަލުތަކުގައި ރޯކޮށްލި މީހާ ދެނެގަނެވިފައިވާ ކަމަށާއި އެމީހާ ހައްޔަރު ކުރުމަށް ކުރަންޖެހޭ މަސައްކަތްތައް ކުރަމުންދާ ކަމަށެވެ. އަދި މި މައްސަލަ ތަހުގީގު ކުރަމުންދާ ކަމަށެވެ.