މި އަހަރުގެ އޮކްޓޯބަރު މަހުގެ ތެރޭގައި ރިލީީޒްކުރަން ހަމަޖެހިފައިވާ ހޮލީވުޑްގެ ސުޕަހީރޯ ފްރެންޗައިޒް "ވެނޮމް" ގެ ތިން ވަނަ ބައިގެ ޓްރެއިލާ އާންމުކޮށްފި އެވެ.
މި އަހަރު ގިނަ ބަޔަކު އެންމެ ބޮޑަށް އިންތިޒާރު ކުރަމުން އަންނަ ފިލްމުތަކުގެ ތެރޭގައި ހިމެނޭ "ވެނޮމް: ދަ ލާސްޓް ޑާންސް" ސިނަމާތަކަށް ގެންނަން ތާވަލުކޮށްފައި އޮތީ އޮކްޓޯބަރު 25 ގަ އެވެ. ސަތޭކަ ދިހަ މިލިއަނަށް ވުރެ ބޮޑު ބަޖެޓަކުން ހަދާފައިވާ ފިލްމުގައި އެކްޓަރު ޓޮމް ހާޑީ މި ފަހަރު ވެސް ފިލްމުގެ ޓައިޓްލް ރޯލުން ފެނިގެން ދާނެ އެވެ.
ކެލީ މާސެލް ޑައިރެކްޓްކޮށްފައިވާ "ވެނޮމް: ދަ ލާސްޓް ޑާންސް" ގެ ކާސްޓްގައި ސްޓެފެން ގްރަހަމް، ޕެގީ ލޫ، ޝިވެޓެލް އެޖިއޮފޯ އަދި ޖޫނޯ ޓެމްޕްލް ހިމެނެ އެވެ.
މާވެލް އެންޓަޓައިންމަންޓާއި ކޮލަމްބިއާ ޕިކްޗާސްގެ އިތުރުން ސޮނީ ޕިކްޗާސް ގުޅިގެން "ވެނޮމް: ދަ ލާސްޓް ޑާންސް" ގެނެސްދޭން ތައްޔާރުވަމުން އަންނަ މީގެ ފުރަތަމަ ބައި 2018 ގައި ގެނެސްދިނުމަށް ފަހު ދެވަނަ ބައި "ވެނަމް: ލެޓް ދެއާ ބީ ކާނޭޖް" ރިލީޒްކުރީ 2021 ގަ އެވެ.
އެ ދެ ފިލްމަކީ ވެސް ބޮކްސް އޮފީހުގައި ވަރަށް ކާމިޔާބު ދެ ފިލްމެވެ.