ޑައިރެކްޓަރު ޝޮނާލީ ބޯސްގެ އާ ފިލްމު ބަތަލާ ރާނީ މުކަރްޖީއާ އެކީ ހަދަން ނިންމައިފި އެވެ.
މީޑިއާތަކުން ބުނީ މި އަހަރުގެ ސެޕްޓެމްބަރު މަހުގެ ތެރޭގައި ޝޫޓިން ފަށަން ޕްލޭން ކުރަމުން އަންނަ މި ފިލްމަކީ ފެމިލީ ޑްރާމާއެއް ކަމަށާއި ފިލްމު އުފައްދަނީ ޖަނގްލީ ޕިކްޗާސްއިިިން ކަމަށެވެ. ޝޮނާލީގެ އެންމެ ފަހުގެ ފިލްމަކީ ޕްރިޔަންކާ ޗޯޕްޅާ އާއި ފަރުހާން އަޚްތަރާ އެކީ ގެނެސްދިން 2019 ގެ "ދަ ސްކައި އިޒް ޕިންކް" އެވެ.
ކާމިޔާބު އެތައް ފިލްމެއް ކުޅެފައިވާ ރާނީގެ އެންމެ ފަހުގެ ފިލްމަކީ މިދިޔަ އަހަރުގެ "މިސިޒް ޗެޓަޖީ ވާސަސް ނޯވޭ" އެވެ.
ރާނީއާ އެކީ ޝޮނާލީ ހަދަން ނިންމާފައިވާ ފިލްމާ ބެހޭ މާ ބޮޑު ތަފުސީލެއް އަދި ނުލިބެ އެވެ. ނަމަވެސް އަންނަ އަހަރު މި ފިލްމު ބެލުންތެރިންނަށް ގެނެސްދޭނެ ކަމަށް މީޑިއާތަކުން ބުނެ އެވެ.