ކުޑަކުއްޖަކަށް ބު ކުރާ މަންޒަރުމުގެ މައްސަލައެއް އަނެއްކާ ވެސް ފެންމަތިވެއްޖެ އެވެ.
އިއްޔެ ސޯޝަލް މީޑިއާގައި އާންމުވެފައި ވަނީ ކ. ގުރައިދޫ ކުއްޖަކަށް ބުލީކޮށް އަނިޔާ ކުރާ މަންޒަރު ފެންނަ ވީޑިއޯއެކެވެ. އޭގައި ފެންނަނީ ވީޑިއޯ ނަގަން ކެމެރާ ފަހަތުގައި ހުރެ ކުއްޖަކު ސުވާލުކުރުމުން، ޖަވާބު ދިން ކުއްޖާގެ ގައިގައި އެހެން ކުއްޖަކު ތަޅައި އަނިޔާކުރާ މަންޒަރެވެެ. އަދި އަނިޔާ ލިބުނު ކުއްޖާ ހަޅޭއްލަވައި، ރޯ އަޑު ވެސް އިވެ އެވެ.
މިކަމާ ގުޅޭ ގޮތުން ގުރައިދޫ ކައުންސިލުން ބުނެފައި ވަނީ ވީޑިއޯގައި ފެންނަނީ މީގެ ދެ މަހެއްހާ ކުރިން ހިނގާފައިވާ ކަމެއް ކަމަށެވެ. އަދޮ އެކަމާ ގުޅިގެން ފުލުހުން ފިޔަވަޅު ވެސް އަޅާފައިވާ ކަމަށެވެ.
ބުލީގެ މި އަމަލު ހިންގީ 18 އަހަރުން ދަށުގެ ދެ ކުދިންނެވެ.
އއ. ރަސްދޫގައި މިދިޔަ ރޯދަ މަހުގެ ތެރޭގައި ތަރާވީސް ނަމާދު ވަގުތު މިސްކިތެއްގައި ކުޑަކުއްޖަކަށް އަނިޔާކޮށް ބުލީކުރި މަންޒަރު ފެންނަ ވީޑިއޯއެއް އާންމުވެ، އެކަން ގިނަ ބައެއްގެ ސަމާލު ކަމަށް އައިސްފައިވެއެވެ.