އިނގިރޭސިވިލާތުގެ މިހާރުގެ ރަސްގެފާނު ޗާލްސްގެ ސޫރަ ހިމަނައިގެން ތައްޔާރުކުރި ފައިސާގެ ނޫޓްތައް މިއަދު އެ ގައުމުގައި ރަސްމީކޮށް ބޭނުން ކުރަން ފަށައިފި އެވެ.
އިނގިރޭސި މަރުކަޒީ ބޭންކް، ބޭންކް އޮފް އިންގްލޭންޑް އިން ކުރިން ވެސް ނިންމި ގޮތަށް މިހާރު އިގުތިސާދުގެ ތެރޭގައި ދައުރު ކުރަން ފެށީ ޗާލްސްގެ ސޫރަ ހިމެނޭ ޕައުންޑްގެ 5، 10، 20 އަދި 50 ގެ ނޫޓެވެ. މިދިޔަ އަހަރު އެންމެ ފުރަތަމަ ޕްރިންޓްކުރި އާ ނޫޓްގައި ހިމަނައިފައި ވަނީ ޗާލްސްގެ 2013 ފޮޓޯއެއްގެ ސޫރަ އެވެ.
ބޭންކް އޮފް އިންގްލޭންޑް އިން ބުނި ގޮތުގައި ޗާލްސްގެ ސޫރަ ހިމެނޭ އާ ނޫޓްތަކެއް އިގުތިސާދުގެ ތެރޭގައި ދައުރުކުރަން ފެށީ ނަމަވެސް، ރަސްގެފާނުގެ މަންމާފުޅު އަދި 70 އަހަރު ރަނިކަން އެލިޒަބަތު ދޭއްގެ ތަސްވީރު ހިމެނޭ ނޫޓްތައް ވެސް ބޭނުން ކުރަމުން ގެންދާނެ އެވެ.
ރާނީ އަވަހަރާވީ ސެޕްޓެމްބަރު 8، 2022 ގަ އެވެ. އިނގިރޭސިވިލާތުގައި ބޭނުންކުރާ ހުރިހާ ފައިސާއެއްގައި ރާނީގެ ސޫރަ ހިމެނެ އެވެ. މިހާރު ކެންސަރަށް ފަރުވާ ހޯއްދަމުން ގެންދަވާ ޗާލްސް، 77، ތަހުތާ ހަވާލުވެވަޑައިގެންނެވީ މަންމާފުޅު އަވަހާރަވުމާ ގުޅިގެންނެވެ.
ޕްރިންސް ވިލިމާއި ހެރީގެ ބައްޕާފުޅު، ޗާލްސް އަށް ކެންސަރު ޖެހިވަޑައިގަތްކަން ޝާހީ އާއިލާ އިން އިއުލާންކުރީ މި އަހަރުގެ ފެބްރުއަރީ މަހުގެ ކުރީކޮޅު އެވެ.