މަޝްހޫރު އިނގިރޭސި އެކްޓަރު ޝިލިއަން މާފީ ގޭންގްސްޓާރެއްގެ ރޯލު ކުޅުނު މަގުބޫލު ސީރީޒް "ޕީކީ ބްލައިންޑާސް" ފިލްމެއްގެ ގޮތުގައި ހަދަން ނިންމައި އެކަން އިއުލާންކޮށްފި އެވެ.
ބީބީސީ ނެޓްވޯކާ ގުޅިގެން ސްޓީވެން ނައިޓްގެ މޭސްތިރިކަމުގެ ދަށުން 2013-2022 އަށް ގެނެސްދިން މި ސީރީޒަކީ ހަ ސީޒަނަކަށް ޖުމްލަ 36 އެޕިސޯޑާ އެކީ ގެނެސްދިން އެއްޗެކެވެ. މިއަށް ބިނާކޮށް ހަދާ ފިލްމު ނެޓްފްލިކްސްއާ ގުޅިގެން ހަދަން ނިންމާފައިވާ އިރު، ޑައިރެކްޓަރަކީ މިދިޔަ އަހަރުގެ ސްޕައި އެކްޝަން ތުރިލާ "ހާޓް އޮފް ސްޓޯން" ގެނެސްދިން ޓޮމް ހާޕާ އެވެ.
އޭނަ އަކީ "ޕީކީ ބްލައިންޑާސް" ގެ ސީޒަން އެކެއްގެ އެޕިސޯޑްތަކެއް ވެސް ޑައިރެކްޓްކޮށްފައިވާ މީހެކެވެ.
ހާޕާ ބުނީ ޝިލިއަން ކުޅުނު ތޯމަސް (ޓޮބީ) ޝެލްބީގެ ކެރެކްޓާ އަލުން އޭނައާ އެކީ ގެނެސް ދިނުމަކީ ލިބޭ ވަރަށް ބޮޑު އުފަލެއް ކަމަށާއި ބެލުންތެރިން ވަރަށް ގަޔާވާ ކަލަ ފިލްމެއް ގެނެސްދޭނެ ކަމަށެވެ.
Tommy Shelby returns. A Peaky Blinders Film starring Cillian Murphy is coming to Netflix.
“It seems like Tommy Shelby wasn’t finished with me…It is very gratifying to be recollaborating with Steven Knight and Tom Harper on the film version of Peaky Blinders. This is one for… pic.twitter.com/eBSYnKqGpA
— Netflix (@netflix) June 4, 2024
"ސީރީޒްގެ މަސައްކަތްކުރި ހިތަކަށް ނާރާ އާންމުންގެ މެދުގައި އެހާ މަގުބޫލު އެއްޗަކަށް މީތި ވާނެ ކަމަކަށް،" އޭނަ ބުންޏެވެ. "ދެން އަނެއްކާ މީތި ފިލްމެއްގެ ގޮތުގައި ގެނެސްދެވުމަކީ ވަރަށް ވެސް ހާއްސަ ކަމެއް."
ނަމަވެސް "ޕީކާ ބްލައިންޑާސް" ގެ ފިލްމު ބެލުންތެރިންނަށް ގެނެސްދޭނެ އިރެއް އަދި ނުނިންމަ އެވެ.
މީގެ އެކްޓަރު މާފީ، 48، އަކީ މިދިޔަ އަހަރުގެ ފިލްމު "އޯޕަންހީމާ" އިން އެންމެ މޮޅު އެކްޓަރުގެ އޮސްކާ ވެސް ހޯދު ތަރި އެވެ. އޭނަގެ އެންމެ ފަހުގެ ފިލްމަކީ މި އަހަރުގެ ފެބްރުއަރީގައި ބާލިން އިންޓަނޭޝަނަލް ފިލްމު ފެސްޓިވަލް ބީއައިއެފްއެފް) ގައި ޕްރީމިއާކުރި ތާރީހީ ފިލްމު "ސްމޯލް ތިންގްސް ލައިކް ދީސް" އެވެ.