ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އާ އެޕްރެންޓިސްޝިޕް ޕްރޮގްރާމަކަށް ހުޅުވާލައިފި އެވެ.
ޒުވާނުން ބިނާކުރަން ސަރުކާރުން ކުރިއަށް ގެންދާ "ހުނަރު" ޕްރޮގްރާމްގެ ދަށުން ކުރިއަށް ގެންދަން ނިންމާފައިވާ މި ޕްރޮގްރާމް ހާއްސަކޮށްފައި ވަނީ އުމުރުން 18-35 އަހަރާ ދެމެދުގެ މީހުންނަށެވެ. ހަ މަސް ދުވަހުގެ މުއްދަތަށް ކުރިއަށް ގެންދަން ނިންނމާފައިވާ އެޕްރެންޓިސްގައި ބައިވެރިވުމުގެ ފުރުސަތު ހުޅުވާލާފައި ވަނީ ގްރޭޑް 10 ނިންމާފައިވާ ނުވަތަ ލެވެލް 2 ގެ ސެޓްފިކެޓް ހާސިލްކޮށްފައިވާ ފަރާތްތަކަށެވެ.
ބައިވެރިވުމުގެ އެންމެ ފަހު ސުންގަޑި އަކީ މި މަހުގެ 20 މެންދުރު ފަހު 3:30 އެވެ.
މި ޕްރޮގްރާމްގެ މުއްދަތުގައި، ބައިވެރިންނަށް މަހަކު 6،000ރ. ގެ އެލަވަންސެއް ލިބޭނެ އެވެ.
އެޕްރެންޓިސްޝިޕް ޕްރޮގްރާމް ކުރިއަށް ގެންދިއުމަށް ހަމަޖެހިފައިވާ ދާއިރާތަކަކުގެ ތެރޭގައި މައިގަނޑު 7 ދާއިރާއެއް ހިމެނެ އެވެ. އެއީ ކޮމްޕިއުޓަ ހާޑްވެއަ އެންޓް ނެޓްވޯކިން، ހެލްތު އެންޑް ސޭޕްޓީ އިން ކޮންސްޓްރަކްޝަން، ފްރަންޓް އޮފީސް، ގާޑްނިން
ކޮންސްޓްރަކްޝަން ސައިޓް ސުޕަވިޒަން، މޭސަންރީ އަދި އިލެކްޓްރިކަލް އިންސްޓޮލޭޝަން އެވެ.
މިއީ އެޗްޑީސީ އާއި ޔޫތު މިނިސްޓްރީ އާއި މޯލްޑިވްސް ނެޝަނަލް ސްކިލް ޑިވެލޮޕްމެންޓް އޮތޯރިޓީގެ އިތުރުން ހަޔަ އެޑިއުކޭޝަން ގުޅިގެން ކުރިއަށް ގެންދާނެ ޕްރޮގްރާމެކެވެ.