ޓެކްނޮލޮޖީގެ ގޮތުން ބާރަށް ކުރިއަރަމުން އަންނަ މި ޒަމާނުގައޮި ޑިޖިޓަލް ރާއްޖެއެއް ތަރައްގީކޮށް ކުރިއެރުވުމަށް ގުޅިގެން މަސައްކަތް ކުރެވިދާނެ ގޮތްތަކާ ގުޅޭ ގޮތުން އިކޮނޮމިކް މިނިސްޓްރީ އާއި އުރީދޫ މޯލްޑިވްސް އިން މަޝްވަރާކޮށްފި އެވެ.
ދެ ފަރާތުގެ މެދުގައި ބޭއްވި މަޝްވަރާގައި އުރީދޫގެ ފަރާތުން އިސްކޮށް ހުންނެވީ އެ ކުންފުނީގެ ސީއީއޯ/އެމްޑީ ހާލިދު އަލް ހަމާދީ އެވެ. މިނިސްޓްރީގެ ފަރާތުން މަޝްވަރާގައި އިސްކޮށް ހުންނެވީ އިކޮނޮމިކް މިނިސްޓަރު މުހައްމަދު ސައީދެވެ.
ބައްދަލުވުމުގައި މިނިސްޓްރީ އާއި އުރީދޫ ގުޅިގެން މަސައްކަތް ކުރެވެން ހުރި ފުރުސަތުތަކާ ގުޅޭ ގޮތުން ގިނަ މަޝްވަރާތަކެއް ކޮށްފައިވެ އެވެ.
Today, Minister @em_saeed engaged in a productive discussion with @OoredooMaldives CEO & MD Mr. Khalid Al-Hamadi. pic.twitter.com/O5MFEpvPqt
— Ministry of Economic Development and Trade (@MoEDmv) June 4, 2024
އުރީދޫން ބުނީ މި މަޝްވަރާތަކުގައި ޑިޖިޓަލް އިގުތިސޯދުގައި ފައިދާ ހުރި ބައިވެރިވުމަކަށް ޓެކްނޮލޮޖީ ލީވަކޮށް، ޑިޖިޓަލް ރާއްޖެއެއްގައި އިގުތިސޯދީ ކުރިއެރުމާއި ތަރައްގީ ހޯދުމަށް ގުޅިގެން ކުރެވިދާނެ މަސައްކަތްތަކާ ގުޅޭ ގޮތުން ވަރަށް ގިނަ ހިޔާލުތަކެއް ބަދަލު ކުރެވުނު ކަމަށެވެ.