ނެޝަނަލް އެޕްރެންޓިސްޝިޕް ޕްރޮގުރާމްގެ ދަށުން މެރިއޮޓް އިންޓަނޭޝަނަލްގެ ދެވަނަ އެފްރެންޓިސްޝިޕް ޕްރޮގްރާމް ފަށައިފި އެވެ.
އެ ޕްރޮގްރާމް ފެށުމަށް އިއްޔެ ހަވީރު ޝެރަޓަން މޯލްޑިވްސް ފުލް މޫން ރިސޯޓްގައި ބޭއްވި ހަފުލާ ޝަރަފުވެރިކޮށް ދެއްވީ ނައިބު ރައީސް ޙުސައިން މުޙައްމަދު ލަތީފެވެ.
ޕްރޮގްރާމް ކުރިއަށް ގެންދަން ހަމަޖެހިފައި ވަނީ މައިގަނޑު ހަ ދާއިރާއަކުންނެވެ. އެއީ ޓޫރިޒަމް ދާއިރާ، ދަތުރުފަތުރުގެ ދާއިރާ، އިމާރާތްކުރުމުގެ ދާއިރާ، އިޖުތިމާޢީ ދާއިރާ، މަސްވެރިކަމާއި ދަނޑުވެރިކަމުގެ ދާއިރާ، އަދި އިންފޮމޭޝަން، ކޮމިޔުނިކޭޝަން ޓެކްނޮލޮޖީ ދާއިރާ އެވެ.
މެރިއޮޓް އިންޓަނޭޝަނަލްގެ ދެވަނަ އެޕްރެންޓިސްޝިޕް ޕްރޮގްރާމްގައި ޖުމްލަ 60 ބައިވެރިން ހިމެނެ އެވެ. މި ޕްރޮގްރާމަށް ބައިވެރިން ހޮވީ ރާއްޖޭގެ އެކި ހިސާބުތަކުގައި ބޭއްވި އޯޕަންޑޭތަކެއް ބާއްވައިގެންނެވެ.
މެރިއޮޓް އިންޓަނޭޝަލްގެ ފުރަތަމަ އެޕްރެންޓިސް ޕްރޮގްރާމް މިދިޔަ އަހަރު 43 ޒުވާނަކު ފުރިހަމަކޮށްފައިވެ އެވެ.