އިޒްރޭލުގެ ވަރުގަދަ ހަމަލާތަކުގައި މިހާރު ވަރަށް ބޮޑަށް ސުންނާފަތިފައި އޮތް ގާޒާގައި ދިވެހިންގެ އެހީގައި މިސްކިތެއް ބިނާކޮށް، ބޭނުން ކުރަން ފަށައިފި އެވެ.
މިކަން ސޯޝަލް މީޑިއާގައި ހިއްސާކޮށް އެ މަސައްކަތުގައި އިސްކޮށް އުޅުނު ދިވެހި ޖަމިއްޔާ، ހިދުމަތުން ބުނީ މި ފަހަރު ދިވެހިންގެ އެހީގައި މިސްކިތެއް ބިނާކުރެވުނީ މަސްޖިދުލް އަޤްޞާ އާއި އެތާނގެ ވަށައިގެންވީ ސަރަޙައްދުގެ މާތް ބިމުން ތަންކޮޅެއްގައި ކަމަށެވެ.
އެގޮތުން ގާޒާގައި ބިނާކުރި މިސްކިތަކީ މި ވަގުތު ވަގުތީ މިސްކިތެއް ކަމަށް ހިދުމަތް ޖަމިއްޔާ އިން ބުުންޏެވެ.
"މިކަހަލަ އެތައް ވަގުތީ މިސްކިތްތަށް ހެދުމުގެ މަސައްކަތް މި ވަގުވުސް އަޅުގަނޑުމެން ޣަައްޒާގައި އެބަ ކުރިޔަށް ގެންދަން. މިކަމުގައި ތިޔަލޮބުވެތި ރައްޔިތުންގެ އެހީ އިންތިހާއަށް ބޭނުންވޭ،" އެ ޖަމިއްޔާ އިން ބުންޏެވެ. " ޙާލަތުގެ ނާޒުކުކަމުން، މިއީ ވަގުތީ މިސްކިތަކަށް ވިޔަސް، ޔަޤީން ކަމަކީ ﷲ ގެ ޙަޞްރަތުން ލިބޭނޭ އަޖުރަކީ ވަގުތީ އެއްޗަކަށް ނުވާނެން."
ހިދުމަތް ޖަމިއްޔާ އިން ބުބީ އީމާންކަމާއި ކެތްތެރިކަމުގެ ކިއްލާތަކެއް ފަދަ ގާޒާގެ ރައްޔިތުން އެ މިސްކިތުގައި ނަމާދުކޮށް ﷲ ހަނދުމަ ކުރަމުން ގެންދާ މަންޒަރަކީ ބަޔާން ނުކުރެވޭ ފަދަ ފިނިކަމެއް ހިތަށް ގެނެސްދޭ ކަމެއް ކަމަށެވެ.
"އުންމީދަކީ އަދިވެސް މިފަދަ ހެޔޮކަމަކަށް އިތުރު ދޮރުތައް ހުޅުވިގެން ދިއުން. މެވެ. އަދި އޭގައި ޙިއްސާވުމުގެ ހެޔޮ ތަވްފީޤު ﷲ މިންވަރުކޮށް ދެއްވުން،" ޖަމިއްޔާ އިން ބުންޏެވެ. "ސިއްރާއި ފާޅުގައި މި މަސައްކަތަށް އެހީތެރިކަން ދެއްވި އެންމެހައި ފަރާތްތަކަށް އޭގެ ހެޔޮޖަޒާ ﷲ ދެއްވާށި."