ސްރީ ލަންކާގެ ކައްކާއިންގެ ޖަމިއްޔާ ޝެފްސް ގިލްޑްސް އޮފް ލަންކާ އިން ބާއްވާ މުބާރާތެއްގައި ޖަޖްކަން ކުރުމުގެ ފުރުސަތު ދިވެއްސަކަށް ލިބިއްޖެ އެވެ.
"ޓީ ކޮކޮނަޓް އެންޑް ސްޕައިސް ފެސްޓިވަލް ކަލިނަރީ ޗެލެންޖް" ގައި ޖަޖެއްގެ ފުރުސަތު ލިބުނީ ޝެފް ގިލްޑްސް އޮފް މޯލްޑިވްސްގެ ނައިބު ރައީސް އިސްހާގް ސޯލިހަށެވެ. އައްޑު އަށް ނިސްބަތްވާ އަދި ރާއްޖޭގެ އެންމެ ތަޖުރިބާކާރު ޝެފުންގެ ތެރޭގައި ހިމެނޭ އިސްހާގަކީ ރޯޔަލް އައިލެންޑު ރިސޯޓުގެ އެގްޒެކެޓިވް ޝެފެވެ.
އޭނަ އަކީ ދުނިޔޭގެ ޝެފުންގެ ޖަމިއްޔާއިން ސެޓިފައިކޮށްފައިވާ ކޮންޓިނެންޓަލް ޖަޖެއް ވެސް މެ އެވެ.
ކެއްކުމުގެ ދާއިރާ އިން މިހާތަނަށް ގިނަ ކާމިޔާބީތަކެއް ހޯދާފައިވާ އިސްހާގަކީ 2022 ގެ ޝެފް ގިލްޑްސް އޮފް މޯލްޑިވްސް އިން އިންތިޒާމުކުރި ފުރަތަމަ ސީޖީއެމް ޝެފްސް އެވޯޑުގައި ވެސް އެގްޒެކެޓިވް ޝެފް އެވޯޑާއި ލޯންގް ސާވިސް ސްޕެޝަލް އެވޯޑް ވެސް ލިބިފައިވާ މީހެކެވެ.
މާދަމާ އިން ފެށިގެން މި މަހުގެ 9 އަށް ކުރިއަށް ގެންދާ ލަންކާގެ "ޓީ ކޮކޮނަޓް އެންޑް ސްޕައިސް ފެސްޓިވަލް ކަލިނަރީ ޗެލެންޖު" ގައި ތަފާތު ހަތަރު ކެޓަގަރީއަކުން 17 ޗެލެންޖެއް ކުރިއަށް ގެންދަން ނިންމާފައިވެ އެވެ. ދާނެއެވެ. ކެޓަގަރީތަކުގެ ތެރޭގައި ހިމެނެނީ ލައިވް ކުކިން، ބެވެރޭޖް، އާޓިސްޓިކް އަދި ރެސްޓޯރެންޓް އެންޑް ކެފޭ ޝެފްސް އެވެ.
މި މުބާރާތް ކުރިއަށް ގެންދާނީ އޮތީ ކޮލަމްބޯގެ ބަންޑާރަ ނައިކަ މެމޯރިއަލް އިންޓަނޭޝަންލް ކޮންފަރެންސް ހޯލުގަ އެވެ.