މާލޭގެ މަސްޖިދުލް ޔޫސުފުލް ބަރުބަރީގެ އާ މިސްކިތުގެ މަސައްކަތް މި އަހަރުގެ ތެރޭގައި ފަށާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެ އެވެ.
އާ މިސްކިތުގެ ޑިޒައިން ވެސް މިނިސްޓަރު ވަނީ ސޯޝަލް މީޑިއާގައި ހިއްސާކުރައްވައިފަ އެވެ.
ބަރުބަރީ މިސްކިތް އެޅުމުގެ އެއްބަސްވުމުގައި ސޮއިކޮށްފައި ވަނީ ޖެނުއަރީ މަހުގެ ރެރޭގަ އެވެ. އެ މިސްކިތް ބިނާކޮށް ދެނީ އަމިއްލަ ފަރާތަކުންނެވެ. މިއީ 1،400 މީހުންނަށް އެއްފަހަރާ ނަމާދުކުރެވޭ ގޮތަށް ތިން ބުރިއަށް ހަދަން ހަމަޖެހިފައިވާ ޒަމާނީ ރީތި މިސްކިތެކެވެ.
ރާއްޖޭގެ އެކި ހިސާބުތަކުގައި މިހާތަނަށް އަމިއްލަ ފަރާތްތަކުން ވަރަށް ގިނަ މިސްކިތްތަކެއް ބިނާކޮށް ދީފައިވާ އިރު، މިފަދަ އެތައް މަޝްރޫއެއް ވެސް އެކި ހިސާބުތަކުގައި ކުރިއަށް އެބަދަ އެވެ. އަދި ސަރުކާރުން ވެސް އަންނަނީ މިސްކިތްތައް ބިނާކުރުމުގެ މަޝްރޫއުތައް ހިންގަމުންނެވެ.