މާލޭ ހޮޓެލް ޖެން ކައިރީގައި ހުރި ސައިކަލުތަކެއްގައި އަލިފާން ރޯކޮށްލި މައްސަލައިގައި މީހަކު ހައްޔަރު ކޮށްފިއެވެ.
ހޯމަ ދުވަހުގެ ރޭ ދަންވަރު ހޮޓެލް ޖެން ކައިރީ ސައިކަލު ޕާކިން ޒޯނުގައި ހުރި ސައިކަލުތަކުގައި އަލިފާން ރޯކޮށްލި މައްސަލައިގައި 36 އަހަރުގެ ދިވެހި ފިރިހެނަކު ހައްޔަރު ކޮށްފައިވާ ކަމަށް ފުލުހުން މައުލޫމާތުދެއެވެ.
އެމީހާގެ ބަންދާމެދު ގޮތެއް ނިންމުމަށް މިއަދު ކްރިމިނަލް ކޯޓަށް ހާޒިރުކުރުމުން އޭނާގެ ބަންދަށް 30 ދުވަހުގެ މުއްދަތެއް ދީފައިވާ ކަމަށްވެސް ފުލުހުން މައުލޫމާތުދެއެވެ.
ސައިކަލުތަކުގައި އަލިފާން ރޯކޮށްލުމުން 7 ސައިކަލަކާއި ވޭނަކަށް ގެއްލުން ލިބިފައިވެއެވެ. އަދި ތިން ސައިކަލެއް ބޭނުން ނުކުރެވޭވަރަށް ވަނީ އަނދާފައެވެ.