އިންޑިއާގައި ނިންމައިލި އާންމު އިންތިހާބުގައި ގާނޫނު ހަދާ މަޖިލީހުގެ ތިރިގެ، ލޯކް ސަބާގެ ގޮނޑިއެއް ކާމިޔާބުކުރި މަޝްހޫރު ފިލްމީ ތަރި، ކަންގަނާ ރަނާވަތުގެ ކަންކަށިމަތީގައި މިއަދު މީހަކު ވަރުގަދަ އެތިފަހަރެއް ޖަހައިފި އެވެ.
މި ހާދިސާ ހިނގީ އޭނަ ޗަންދީގަޅުން ނިއު ދިއްލީ ދާން އެއާޕޯޓަށް ގޮސް ޗެކިން ކުރުމުގެ ތެރޭގަ އެވެ. ބައެއް މީޑިއާތަކުން ބުނީ ކަންގަނާގެ ކަންކަށިމަތީ ޖެހީ އެއާޕޯޓްގައި ހަރަކާތްތެރިވަމުން ދިޔަ އިންޑިއާގެ ސެންޓްރަލް އިންޑަސްޓްރިލް ސެކިއުރީޓީ ފޯސް (ސީއައިއެސްއެފް) ގެ ކޮންސްޓަބަލްއެއް ކަމަށްވާ ކުލްވިންދަރު ކޯރް ކިޔާ އޮފިސަރެއް ކަމަށެވެ.
BIG BREAKING 🚨🚨🚨
Kangana Ranaut slapped !!?
A CISF constable lady Kulwinder Kaur slapped the new MP for calling the Farmers Khalistanis, as the rumour goes.
About time Kangana realises, opening her wide mouth without thinking comes with a cost. pic.twitter.com/Me8WVtT9rf
— Azy (@Azycontroll_) June 6, 2024
އެގޮތުން ޗެކިން ކުރުމުގެ ތެރޭގައި ފޯނު ޓްރޭއަށް ލާން ދެކޮޅު ހަދައި އޮފިސަރު ކޮއްޕާލުމުން އޭނަ ރައްދުގައި ކަންގަނާގެ ކަންކަށިމަތީގައި ޖެހީ ކަމަށް މީޑިއާތަކުން ބުންޏެވެ. އަދި މީގެ ކުރިން އިންޑިއާގެ ދަނޑުވެރިންތަކެއް ކުރި މުޒާހަރަކާތަކަކާ ގުޅިގެން ކަންގަނާ، ދަނޑުވެރިންނަށް ކުޑައިމީސްކޮށް ދެއްކި ވާހަކަތަކެއް ވެސް އޮފިސަރުން ހަނދާންކޮށް ދީފައިވާ ކަމަށް މީޑިއާތަކުން ބުންޏެވެ.
މި ހާދިސާ ހިނގުމާ އެކީ ސެކިއުރިޓީން ކަންގަނާ ގޮވައިގެން ދާ ތަން ފެންނަ ވީޑިއޯއެއް ވެސް ސޯޝަލް މީޑިއާގައި އާންމުވެފައިވެ އެވެ.
ވެރިކަން ކުރާ ބީޖޭޕީގެ ޓިކެޓްގައި ލޯކް ސަބާ އަށް ވާދަކޮށް ކަންގަނާ ކާމިޔާބުކުރީ އޭނަގެ އުފަން ސްޓޭޓް ކަމަށްވާ ހިމާޗަލް ޕްރަދޭޝްގެ މަންޑީ ދާއިރާގެ ގޮނޑި އެވެ.