ޗަންދީގަޅު އެއާޕޯޓްގައި އިއްޔެ އިންޑިއާގެ މަޝްހޫރު ބަތަލާ ކަންގަނާ ރަނާވަތުގެ ކަންކަށިމަތީގައި ޖެހި ސެންޓްރަލް އިންޑަސްޓްރިލް ސެކިއުރީޓީ ފޯސް (ސީއައިއެސްއެފް) ގެ އަންހެން ކޮންސްޓަބަލް ކުލްވިންދަރު ކޯރް ސަސްޕެންޑްކޮށްފި އެެވެ.
މި ހަފުތާގައި އިންޑިއާގައި ނިންމައިލި އާންމު އިންތިހާބުގައި ބީޖޭޕީގެ ޓިކެޓްގައި ލޯކް ސަބާ އަށް ވާދަކޮށް ހިމާޗަލް ޕްރަދޭޝް ސްތޭޓްގެ މަންޑީ ދާއިދާގެ ގޮނޑި ކާމިޔާބުކުރި ބަތަލާގެ ކަންކަށިމަތީގައި އޮފިސަރު ޖެހީ ޗެކިން ފުރިހަމަނުކޮށް ބޯޑިން ގޭޓާ ދާން މަސައްކަތް ކުރުމާއި ކިނބުރުވެރިކަން ދައްކަން ފެށުމުން ކަމަށް މީޑިއާތަކުން ބުންޏެވެ.
BIG BREAKING 🚨🚨🚨
Kangana Ranaut slapped !!?
A CISF constable lady Kulwinder Kaur slapped the new MP for calling the Farmers Khalistanis, as the rumour goes.
About time Kangana realises, opening her wide mouth without thinking comes with a cost. pic.twitter.com/Me8WVtT9rf
— Azy (@Azycontroll_) June 6, 2024
އެކަމާ ގުޅިގެން އޮފިސަރު، ކަންގަނާ ކަންކަށިމަތީގައި ޖެހުމަށް ފަހު، ދަނޑުވެރިން ނިސްބަތްކޮށް ކަންގަނާ ދައްކާފައިވާ ވާހަކަތަކެއް ހަނދާންކޮށް ވެސް ދީފައިވެ އވެ. އެގޮތުން 2021 ގެ ތެރޭގައި ދަނޑުވެރިން ކުރި މުޒާހަރާއަކާ ގުޅުގެން ކަންގަނާ ވަނީ އެއީ އިދިލޮޅު ކޮންގްފެސް އަޑީގައި އޮވެގެން ބީޖޭޕީއާ ދެކޮޅަށް، 100 އެއްހާ ރުޕީހުގެ އަވާހައި ޖެހިގެން ދަނޑުވެރިން ކުރި ކަމެއް ކަމަށް ބުނެފަ އެވެ.
ކަންގަނާ އަށް އެ ވާހަކަ ހަނދާންކޮށް ދީ ކުލްވިންދަރު ބުނީ އެ މުޒާހަރާގައި ދަނޑުވެރިކަން ކުރާ އޭނަގެ މަންމަ ވެސް ހުރި ކަމަށާއި ދަނޑިވެރިން މުޒާހަރާކޮށް އަޑު އުފުލީ އެ މީހުންގެ ހައްގުތަކެއް ގެއްލޭތީ ކަމަށެވެ.
ޗަންދީގަޅުން ނިއު ދިއްލީ އަށް ފުރަން ކަންގަނާ އެއާޕޯޓަށް ގޮސް އުޅުމުގެ ތެރޭގައި އިއްޔެ ދިމާވި ހާދިސާގެ ވީޑިއޯ ސޯޝަލް މީޑިއާގައި ދައުރުވެފައިވެ އެވެ.
Shocking rise in terror and violence in Punjab…. pic.twitter.com/7aefpp4blQ
— Kangana Ranaut (Modi Ka Parivar) (@KanganaTeam) June 6, 2024
ކަންގަނާގެ ކަންކަށިމަތީގައި ކުލްވިންދަރު ޖެހި މައްސަލައިގައި އޭނަ ސަސްޕެންޑްކޮށް، އެ ހާދިސާގެ ޖިނާއީ ތަގުގީގަށް ހިންގައި ދޭން އެދި މިހާރު ފުލުހުންނަށް ވެސް ހުށަހަޅައިފައިވާ ކަމަށް މީޑިއާތަކުން ބުނެ އެވެ.
އިއްޔެގެ ހާދިސާ އަށް ފަހު ކަންގަނާ އާންމުކުރި ވީޑިއޯއެއްގައި ވަނީ އެކަން "ޓެރަރިޒަމް' ގެ އަމަލެއްގެ ގޮތުގައި ސިފަކޮށްފަ އެވެ. އަދި މިހާރު އެންމެ ކަންބޮޑުވަނީ ޕަންޖާބްގައި ޓެރަރިޒަމްގެ އަމަލުތައް ފެތުރެމުންދާތީ ކަމަށް ބުނެފައިވެ އެވެ.