އަންނަ މަހު ރިލީޒްކުރަން ނިންމި ޖޯން އަބްރަހަމްގެ ފިލްމު "ވޭދާ" އޮގަސްޓަށް ފަސްކޮށްފި އެވެ.
އެކަން މިއަދު ފިލްމުގެ އާ ޕޯސްޓަރަކާ އެކީ އިއުލާންކޮށް މިއަދު ބުނޫ ނިކިލް އަދުވާނީ ޑައިރެކްޓްކޮށްފައިވާ އެކްޝަން ޑްރާމާ މިހާރު ސިނަމާތަކަށް ގެންނަން ތާވަލުކޮށްފައި ވަނީ އޮގަސްޓް 15 ގައި ކަމަށެވެ. ކުރިން "ވޭދާ" ރިލީޒްކުރަން އޮތީ އަންނަ މަހުގެ 12 ގަ އެވެ.
ތާރީހަށް މި ގެނައި ބަދަލާ އެކީ ބޮކްސް އޮފީހުގައި ވަރުގަދަ އެހެން ދެ ފިލްމަކާ ޖޯންގެ ފިލްމަށް ކުރިމަތިލާން ޖެހޭނެ އެވެ. އެއީ އަޖޭ ދޭވްގަންގެ "ސިންގަމް ރިޓާންސް" އާއި އައްލޫ އަރުޖުންގެ "ޕުޝްޕާ 2: ދަ ރޫލް" އާ އެވެ.
އަސީމް އަރޯރާގެ ސްކްރީންޕްލޭއަކަށް ހަދާފައިވާ "ވޭދާ" ގެ ކާސްޓްގައި ޝަރުވާރީ ވާގް، އަބީޝެކް ބެނަޖީ، ތަމަންނާ ބާޓިއާ އަދި އަޝިޝް ވިދިއާތީ ހިމެނެ އެވެ. ނިކިލް ޑައިރެކްޓްކޮށް އެންމެ ފަހުން ގެނެސްދިން ޖޯންގެ 2019 ގެ "ބަތުލާ" އެވެ.
އޭނަ އަކީ ބެލުންތެރިންގެ ވަރަށް ބޮޑު މަގުބޫލު ކަމެއް ދީ ޝާހްރުކް ޚާނާއި ޕްރިތީ ޒިންތާގެ އިތުރުން ސައިފް އަލީ ޚާންގެ 2003 ގެ "ކަލް ހޯ ނަ ހޯ" ގެ ޑައިރެކްޓަރެވެ. ނަމަވެސް ފަހުން ނިކިލް ހެދި އެއްވެސް ފިލްމަކަށް އެ ފިލްމާ ގާތްކުރާ ވަރުގެ ތަރުހީބެއް ވެސް ނުލިބެ އެވެ.
ފަހުން މުޅިން ވެސް އޭނަ ހަދަމުން އަންނަ ވަރަށް ސީރިއަސް ފިލްމުތަކެވެ.