"ހުނަވަރު" ގެ ނަމުގައި އެމްޓީސީސީން ކުރިއަށޒް ގެންދާ އެޕްރެންޓިސް ޕްރޮގްރާމްގެ އާ ބުރަކަށް އެ ކުންފުނިން ހުޅުވާލައިފި އެވެ.
"ހުނަވަރު ޓެކްނިކަލް ސްކިލްސް ޑިވެލޮޕްމަންޓް ޕްރޮގްރާމް 2024" ގައި ބައިވެރިވާން ޝައުގުވެރިވާ ޒުވާނުންނަށް އެޕްލައި ކުރިުމުގެ ފުރުސަތު ހުޅުވާލާފައި ވަނީ މި މަހުގެ 11 އާ ހަމައަށެވެ. އެގޮތުން އެމްޓީސީސީގެ ހުނަވަރު ޕޯޓަލް މެދުވެރިކޮށް މި މަހު އެޕްލައި ކުރެވޭނެ އެވެ.
އެމްޓީސީސީން ބުނީ ކުރިއަށް ގެންދާ މުއްދަތުގެ ތެރޭގައި ކޮންމެ ބައިވެރިއަކަށް މަހަކު 5،000ރ. ގެ އެލަވަންސެއް ލިބޭނެ ތަމްރީނު ޕްރޮގްރާމުގެ ތެރޭގައި މަސައްކަތް ކުރަންޖެހެނީ ހަފްތާއަކު ހަ ދުވަހު ދުވާލަކު އަށް ގަޑިއިރު ކަމަށެވެ.
"ހުނަވަރު" ޕްރޮގްރާމްގެ ތެރޭގައި ވެލްޑަ، މެރިން މެކޭނިކް، އިލެކްޓްރީޝަން، ފައިބަގްލާސް ޓެކްނީޝަން، މެޝިނިސްޓުން ތަމްރީނު ކުރާނެ އެވެ. މީގެ އިތުރުން ހެވީވެހިކަލް އޮޕަރޭޓަ އޮޓޯމޮބައިލް އިލެކްޓްރީޝަން އަދި ހައިޑްރޯލިކް މެކޭނިކުން ތަމްރީނުވުމުގެ ފުރުސަތު ވެސް ލިބޭނެ އެވެ. އަދި ޓިންކަ، ޓަގް އޮޕަރޭޓަ، ޑޮރޭޖް އޮޕަރޭޓަ، ޑްރެޖް މެކޭނިކް ދާއިރާ އަށް ބޭނުންވާ މުއައްޒަފުން ވެސް ތަމްރީން ކުރެވޭނެ އެވެ.
ޕްރޮގްރާމަށް ކުރިމަތިލުމުގެ ޝަރުތަކީ، މަގާމާ ގުޅޭ ދާއިރާއަކުން ތައުލީމު ހާސިލްކުރަމުންދާ ފަރާތަކަށްވުމެވެ، ނުވަތަ މަސައްކަތަށް ޝައުގުވެރިކަން ހުރުމާއި އާ ހުނަރު ދަސްކުރަން ޝައުގުވެރިކަން ހުރުމެވެ.