ސައިފް އަލީ ޚާންގެ އެކްޝަން ތުރިލާ "ޖުވެލް ތީފް: ދަ ރެޑް ސީ ޗެޕްޓާ" ގެ ކާސްޓްގައި އެކްޓަރު ކުނާލް ކަޕޫރް ވެސް ހިމެނޭކަން ކަށަވަރުވެއްޖެ އެވެ.
މި ފިލްމުގެ ޝޫޓިން ޝެޑިއުލްއެއް ހަންގޭރީގެ ބުޑަޕެސްޓްގައި މިހާރު ނިންމައިލިކަން ހިއްސާކޮށް ކުނާލް ވަނީ އިންސްޓަގްރާމް ފިލްމުގައި ޓީމާ އެކީ ނަގާފައިވާ ފޮޓޯތަކެއް ވެސް ޕޯސްޓްކޮށްފަ އެވެ.
"ޖުވެލް ތީފް" އަކީ ޑައިރެކްޓަރު ސިދާތު އާނަންދުގެ މާފްލިކްސް ޕިކްޗާސް އަށް ރޮބީ ގަރެވާލް ޑައިރެކްޓްކުރާ ފިލްމެކެވެ. މީގެ ކާސްޓްގައި ނިކިތާ ދައްތާ އާއި ޖައިދީޕް އަހުލުވާތު ހިމެނެ އެވެ. މިހާރު ވަރަށް މަދުން ނޫނީ ފިލްމުތަކުން ނުފެންނަ ކުނާލް އެންމެ ފަނުން ފެނިފައި ވަނީ ނެޓްފްލިކްސް އިން 2021 ގައި ގެނެސްދިން އެންތޮލޮޖީ ފިލްމު "އަންކަހީ ކަހާނިޔާ' ގެ ރޯލަކުންނެވެ.
އޭނަ ކުޅުނު ފާހަގަކޮށްލެވޭ ފިލްމުތަކުގެ ތެރޭގައި "މީނާކްޝީ: އަ ޓޭލް އޮފް ތުރީ ސިޓީސް" "ރަނގްދެބަސަންތީ". "ޑޮން 2"، "އާޖަ ނަޗްލޭ"، "ޑިއާ ޒިންދަގީ" އަދި "ގޯލްޑް" ހިމެނެ އެވެ.
އަންނަ އަހަރު ރިލީޒްކުރަން ހަމަޖެހިފައިވާ ތެލެގޫ ފިލްމު "ވިޝްވަމްބާރާ" ގެ ކާސްޓްގައި ވެސް ކުނާލް ހިމެނެ އެވެ.
ނެޓްފްލިކްސްއާ ގުޅިގެން ހަދާ "ޖުވެލް ތީފް" ބެލުންތެރިންނަށް ގެނެސްދޭނެ އިރެއް އަދި އިއުލާނެއް ނުކުރެ އެވެ. މީގެ ޕްރޮޑިއުސަރު ސިދާތަކީ ސައިފާ އަކީ "ސަލާމް ނަމަސްތޭ" އާއި "ތަރަ ރަމް ޕަމް" ގެނެސްދިން ޑައިރެކްޓަރެވެ. އޭނަގެ އެންމެ ފަހުގެ ޑައިރެކްޝަނަކީ މި އަހަރުގައި ރިލީޒްކުރި ރިތިކް ރޯޝަނާއި ދީޕިކާ ޕަދްކޯން "ފައިޓާ" އެވެ.