ގައުމީ ޔުނިވަސިޓީގެ ޖޮބް ފެސްޓިވަލް މިއަދު ފަށަަން ތައްޔާރުވެއްޖެ އެވެ.
މާލޭގައި ހުންނަ ޔުނިވަސިޓީގެ މައި މަރުކަޒާއި އަތޮޅުތެރޭގައި ހުރި ކެމްޕަސްތަކުގައި ޖޮބް ފެސްޓިވަލް ކުރިއަށް ދާނީ މިއަދާއި މާދަމާ އެވެ. މި ދެ ދުވަހު ޖޮބް ފެސްޓިވަލް ކުރިއަށް ދާނީ ހަވީރު 4:00-6:00 އަށް އަދި ރޭގަނޑު 8:00-10:00 އަށެވެ.
ހިތަދޫގައި ހުންނަ އެމްއެންޔޫގެ ކެމްޕަހުގައި ޖޮބް ފެސްޓިވަލް ކުރިއަށްދާ އިރު، ބައިވެރިވާ ފަރާތްތަކުގެ ތެރޭގައި ގަން އެއާޕޯޓް، އީކްއޭޓަ ވިލެޖް، ބޭންކް އޮފް މޯލްޑޮވްސް ބީއެމްއެލް) އެމްޓީސީސީ، އައްޑޫ އިކްއެޓޯރިއަލް ހޮސްޕިޓަލް (އޭއީއެޗް)، ޕޮލިސް، އެމްއެންޑީއެފް، ބިޒްނެސް ސެންޓަ ކޯޕަރޭޝަން (ބީސީސީ) އަދި މިފްކޯ ހިމެނެ އެވެ.
އެމްއެންޔޫ އިން ބުނީ މުޅި ޖޮބް ފެސްޓިވަލްގައި ރާއްޖޭގެ ވަރަށް ގިނަ ކުންފުނިތަކާއި މުއައްސަސާތައް ބައިވެރިވާ އިރު، 300 އަށް ވުރެ ގިނަ ވަޒީފާ ފުރުސަތުތަކާ ބެހޭ މައުލޫމާތު ފެސްޓިވަލްގެ ތެރެއިން ލިބިގެން ދާނެ ކަމަށެވެ.
އެހެންވެ މިއީ ވަޒީފާ ހޯދަން ބޭނުންވާ ޒުވާނުންނަށް އެއްތާކުން ވަރަށް ފުރުސަތުތައް ފަހިވާނެ އިވެންޓެކެވެ.