ދިވެއްސެއްގެ އަޑު ހިމެނޭ ޕަންޖާބީ ލަވައެއް އާންމުކޮށްފި އެވެ.
ޔޫޓިއުބަށް ވީޑިއޯއާ އެކީ މިދިޔަ ހުކުރު ދުވަހު ދޫކޮށްލި ލަވައިގެ ނަމަކީ "ހޯޕް" އެވެ. ޕަންޖާބްގެ މަޝްހޫރު އަންހެން ލަވަކިޔުންތެރިޔާ މަނޫ ރާއީގެ މި ލަވައިގައި ހިމެނީނެ ދިވެހި ފަންނާނެއް ކަމަށްވާ އަދުހަމްގެ އަޑެވެ. އެގޮތުން "ހޯޕް" ގައި ހިމެނޭ ރެޕް ކަޑިތައް ކިޔާފައި ވަނީ އޭނަ އެވެ.
ލަވައިގެ ރެޕް ބައިތައް ލިޔުނީ އަދުހަމާއި ލަވައިގެ މިއުޒިކާއު ވީޑިއޯ ހެދި ސަބްރީގް ތުނޭޒެވެ.
މީގެ ކުރިން ވެސް ބޭރުގެ ބައެއް މިފަދަ އުފެއްދުންތަކުގައި ދިވެހި ފަންނާނުން ހިއްސާވެފައިވެ އެވެ. އެގޮތުން 2012 ގެ ބޮލީވުޑް ފިލްމު "ޖިމްސް 2" އަށް ރާއްޖޭގެ މަޝްހޫރު ލަވަކިޔުންތެރިޔާ "ހޭވައްލާ" ކިޔާ ލަވައެއް ކިޔާފައިވާ އިރު، ބޮލީވުޑްގެ މަޝްހޫރު ލަވަކިޔުންތެރިޔާ ޝާންއާ އެކީ ވެސް އުނޫޝާ ކިޔާފައިވާ ލަވައެއް "ދިލް އުޅެޔާ" ގެ ނަމުގައި ވީޑިއޯއާ އެކީ ނެރެފައިވެ އެވެ.
އަދި ލަވަކިޔުންތެރިޔާ މީރާއާ އެކީ އިންޑިއާގެ ބޭންޑް ސަނަމް ވެސް ވީޑިއޯ ލަވައެއް ގެނެސްދީފައިވެ އެވެ.