ބޮޑެތި އިނާމުތަކާއެކު އުރީދޫއިން ޔޫރޯ 224 އަށް ފުޓުބޯޅަ ފޯރި ކެންޕޭން ލޯންޗް ކޮށްފިއެވެ.
އުރީދޫގެ ހާއްސަ ޕްރޮމޯޝަންތަކާއި މުބާރާތްތަކާ އެކު ރާއްޖޭގެ އެކި ކަންކޮޅުތަކުގައި ތިބި ފުޓްބޯޅަ ސަޕޯޓަރުންނަށް މި ފުޓްބޯޅަ އީދަކީވެސް އުފާވެރި މަޖާ ސީޒަނަކަށް އުރީދޫ ފުޓުބޯޅަ ފޯރި ކެންޕޭން ލޯންޗް ކޮށްފައިވަނީ ރޭ އެކަމަށް ބޭއްވި އިވެންޓާއެކުވެ.
އެގޮތުން ފުޓުބޯޅަ ފޯރި ކެންޕޭންގައި، ޔޫރޯ 2024 އަށް ހާއްސަ ސޮނީ ލިވް ޕެކްތަކެއް އުރީދޫއިން މިވަނީ ތައާރަފުކޮށްފައެވެ. މީގެން އެއް ޕެކްގައި ސޮނީ ލިވްގެ މެމްބަޝިޕާއި 30 ދުވަހުގެ ވެލިޑިޓީއާއެކު 250 ރުފިޔާއަށް 100 ޖީބީ ހިލޭ ޑޭޓާ ހިމެނެއެވެ. މި ޕެކް މެދުވެރިކޮށް ކަސްޓަމަރުންނަށް ޑޭޓާ ލިމިޓާ މެދު ކަންބޮޑުވުމެއް ނެތި ޔޫރޯގެ ހުރިހާ މެޗެއް ލައިވްކޮށް ސްޓްރީމްކޮށްލެވޭނެ ކަމަސް އުރީދޫން މައުލޫމާތުދެއެވެ. މި ޕެކާއި އެކު ކޮންމެ ތަނެއްގައި ހުރެގެންވެސް މެޗް ބަލާލެވޭނެއެވެ.
މީގެ އިތުރުން ކަސްޓަމަރުންނަށް ހާއްސަ ސޮނީ ލިވްގެ އެކި އެޑް-އޮންތަކަށް ސަބްސްކްރައިބްކޮށް، މެދުނުކެނޑި ޔޫރޯގެ ފޯރީގައި ބައިވެރިވެވޭނެ ކަމަށްވެސް އުރީދޫން މައުލޫމާތުދެއެވެ.
މި ކެމްޕޭންގެ ތެރޭގައި ހިމެނޭ އުރީދޫ ސުޕަރއެޕުން ފުޓުބޯޅަ ފޯރީގެ ތެރެއިން، އުރީދޫގެ ސުޕަރ އެޕް ގައި ޔޫރޯއަށް ހާއްސަކޮށް ސްޕިން ދަ ވީލް އުރީދޫ ހުރިހާ ކަސްޓަމަރުންނަށް ބައިވެރިވެވޭނެ ކަމަށް އުރީދޫން މައުލޫމާތުދެއެވެ. އެގޮތުން ކޮންމެ ކަސްޓަމަރަކަށް ވެސް ކޮންމެ ދުވަހަކު އެއް ސްޕިން ލިބޭނެ ކަމަށާއި އަދި އުރީދޫ އެޕް މެދުވެރޮކޮށް ޕެކް އެކްޓިވޭޓްކޮށްގެން އަދި އިތުރު ޓްރާންސެކްޝަންތައް ކޮށްގެން ސްޕިން ދަ ވީލްއަށް އިތުރު ޓިކެޓް ލިބޭނެ ކަމަށްވެސް އުރީދޫން މައުލޫމާތުދެއެވެ. ކަސްޓަމަރުންނަށް ދޭ އިނާމުތަކުގެ ތެރޭގައި މޫލީ ކޫޕަން، ޑޭޓާ ޕެކް، އެމް-ފައިސާ ކޭޝް-އިން ފަދަ ތަކެތި ހިމެނެއެވެ.
އުރީދޫ ސުޕަރއެޕް މެދުވެރިކޮށް "ގެސް ދަ ސްކޯ" މުބާރާތެއްވެސް ކުރިއަށް ގެންދިއުމަށް އުރީދޫން ވަނީ ނިންމާފައެވެ. އެގޮތުން ކޮންމެ މެޗެއްގެވެސް ވަކި ވަގުތެއްގެ ކުރިން މެޗުގެ ސްކޯ ދިމާކުރުމުގެ ފުރުސަތު ހުޅުވާލެވޭނެ ކަމަށާއި އަދި ބައިވެރިވާ ފަރާތްތަކަށް އެކި އިނާމުތައް ހުށަހެޅުމަށްވެސް އުރީދޫން ވަނީ ނިންމާފައެވެ. އެގޮތުން ގްރޭންޑް ޕްރައިޒް ލިބޭ ފަރާތަކަށް ޕްލޭސްޓޭޝަން ކިޓެއް ލިބޭނެ ކަމަށާއި އޭގެ ތެރޭގައި ޕްލޭސްޓޭޝަން 5 ކޮންސޯލް ޑިސްކް ވާޝަން، ޕްލޭސްޓޭޝަން ޕޯޓަލް ރިމޯޓް ޕްލޭޔާ، ޕްލޭސްޓޭޝަން ވީއާރް އަދި ޕީއެސް5 ފީފާ 2024 ހިމެނެއެވެ.
މީގެއިތުރުން ފެންޓަސީ ލީގުގައި ބައިވެރިވާ ބައިވެރިންނަށް އެމީހުންގެ ޑްރީމް ޓީމްތައް އުފައްދައި 25،000 ރުފިޔާގެ ގްރޭންޑް އިނާމަށް ވާދަކުރުމުގެ ފުރުސަތުވެސް ވަނީ ހުޅުވާލާފައެވެ.
✨Compete in #OoredooFootballFoari Fantasy League & Win✨
Set up your fantasy football team and stand the chance to win the Grand Prize of MVR 25,000!
League Join Code: C6HDeE@redwavemaldives pic.twitter.com/GaC46cfsvZ
— Ooredoo Maldives (@OoredooMaldives) June 9, 2024
އުރީދޫން ވަނީ، "އުރީދޫ ނޭޝަން: ވާޗުއަލް ޔޫރޯ" ގެ ނަމުގައި 2 އޮން 2 ފީފާ ޕްލޭސްޓޭޝަން މުބާރާތެއް ކުރިއަށް ގެންދިއުމަށްވެސް ނިންމާފައެވެ. 30،000 ރުފިޔާގެ އިނާމު ޕޫލަކާއެކު ބާއްވާ މި މުބާރާތަކީ ވަރުގަދަ އަދި ވާދަވެރިކަމާއި އެކު ކުރިއަށްދާނެ މުބާރާތެއް ކަމަށާއި މިމުބާރާތް ބޭއްވުމަށް ހަމަޖެހިފައިވަނީ ޔޫރޯ ފެށުމުގެ ކުރިން ކަމަށް އުރީދޫން މައުލޫމާތުދެއެވެ.
ޔޫރޯއާ ގުޅިގެން އުރީދޫއިން ތައާރަފުކުރާ ހަރަކާތްތަކުގެ އިތުރު މައުލޫމާތު ކުރިއަށް އޮތް ދުވަސްތަކުގެ ތެރޭގައި ސޯޝަލް މީޑިއާ މެދުވެރިކޮށް ކަސްޓާމަރުންނަށް ފޯރުކޮށްދެވޭނެ ކަމަށްވެސް އުރީދޫން މައުލޫމާތުދެއެވެ.