ވިހި ވަނަ ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ އެމްޑީޕީގެ މެންބަރު މުހައްމަދު އިބްރާހިމް (ކުޑޫ) މަޖިލިސް ކެމްޕެއިނަށް ހޯއްދެވި ފައިސާއިން ބާކީވި ފައިސާ ޓައިނީ ހާޓްސް އަށް ހަދިޔާކޮށްފި އެވެ.
އިންތިހާބު ނިމުމުގެ ކުރިން ވެސް ކުޑޫ ވަނީ ކެމްޕޭނަށް ލިބޭ ފައިސާ ބާކީ ހުރި ނަމަ ހަދިޔާކުރައްވާނެ ކަމަށް ވިދާޅުވެފަ އެވެ. އެ ވައުދާ އެއްގޮތަށް އޭނަ އިއްޔެ ވަނީ ޓައިނީ ހާޓްސް އަށް 19،888ރ. ހަދިޔާ ކުރައްވައިފަ އެވެ.
We are launching a people-powered crowdfunding campaign for #Majlis2024. To ensure transparency, all funds will be independently audited!
Let’s make a difference together! 💚#Majlis2024 #Kudu2024 #GalolhuUthuru#ގަލޮޅުކުޑޫ #ގަލޮޅުރާސްޓަސް pic.twitter.com/h4M1PhIFT5
— Mohamed Kudu (@MohamedKudu24) February 10, 2024
މިއީ ރާއްޖޭގައި އިންތިހާބެއްގައި ވާދަކުރެއްވި ބޭފުޅަކު ކެމްޕޭންގެ ބާކީ ފައިސާ މިފަދަ ގޮތަކަށް ހަދިޔާކުރެއްވި ފުރަތަމަ ފަހަރުކަން ފާހަގަކޮށްލެވެ އެވެ.
މިކަމާ ގުޅޭ ގޮތުން ކިޑޫ ސޯޝަލް މީޑިއާ ޕޯސްޓެއްގައި ވިދާޅުވީ ވައުދު ފުއްދަވައި، ކެމްޕެއިނަށް ކުރި ހަރަދު އޮޑިޓްކުރުމަށް ފަހު ބާކީ ހުރި ފައިސާ ޓައިނީ ހާޓްސް އަށް ހަދިޔާކުރެއްވީ ކަމަށެވެ.
ޓައިނީ ހާޓްސް އަކީ ހިތުގެ ބަލިތައް ހުންނަ ކުޑަކުދިންނަށް އެހީވުމަށް ހިލޭ ސާބަހަށް މަސައްކަތް ކުރާ ޖަމިއްޔާއެކެވެ.