ސަރުކާރުން ރައްޔިތުންގެ މަޖިލީހުގެ މިދައުރުގައި މަޖިލީހަށް 37 ބިލެއް ހުށަހެޅުމަށް ނިންމައިފިއެވެ.
ޖޫން 9 ވަނަ ދުވަހު ރައީސް އޮފީހުން ރައްޔިތުންގެ މަޖިލީހަށް ފޮނުވާފައިވާ ސިޓީއެއްގައި ވަނީ މަޖިލީހުގެ މިދައުރަށް ސަރުކާރުން ހުށަހެޅުއްވުމަށް ޤަސްދުކުރައްވާ ބިލުތަކުގެ ލިސްޓު، މަޖިލީހުގެ ގަވައިދާ އެއްގޮތްވާގޮތުގެ މަތިން ފޮނުވާފައެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ރިޔާސަތުގައި އިންނަވާ މަޖިލީހުގެ ރައީސް އަބްދުއްރަހީމް އަބްދުﷲ ވެސް ވަނީ މިކަން ހާމަ ކުރައްވާފައެވެ.
ސަރުކާރުން މަޖިލީހަށް މިދައުރުގައި ހުށަހެޅުމަށް ގަސްދުކުރާ ބިލުތަކުގެ ތެރޭގައި އެންމެ ފުރަތަމަވެސް ހިމަނާފައިވަނީ ޤާނޫނުއަސާސީއަށް ހުށަހަޅާ އިސްލާހެކެވެ. އެހެންނަމަވެސް އިސްލާހުގެ އެއްވެސް ތަފުސީލެއް ހާމަކޮށްފައެއް ނުވެއެވެ.
ސަރުކާރުން މަޖިލީހަށް ހުށަހަޅަން ޤަސްދުކުރާ ބިލުތައް:
1- ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް އިސްލާހު ގެނައުމުގެ ބިލު
2- ސޮވްރިން ޑިވެލޮޕްމަންޓް ފަންޑުގެ ބިލު
3- ސިއްހީ ހިދުމަތް ދިނުމުގެ ގާނޫނަށް އިސްލާހު ގެނައުމުގެ ބިލު
4- ކޮޕީރައިޓާއި އެއާގުޅޭ އެހެނިހެން ހައްޤުތަކުގެ ޤާނޫނަށް އިސްލާހު ގެނައުމުގެ ބިލު
5- ބޯހިޔާވަހިކަމުގެ ބިލު
6- ރިއަލް އެސްޓޭޓް ވިޔަފާރީގެ ބިލު
7- އަރބަން ޕްލޭނިންގ އަދި އަރބަންޑިވެލޮޕްމަންޓްގެ ބިލު
8- ބިނާވެށި ޕްލޭންކުުރުމާއި ތަރައްޤީކުރުމާ ހިންގުމުގެ ބިލު
9- ބިމުގެ ބިލު
10- ދަތުރު ރާވައި ހިންގުމުގެ ހިދުމަތް ދިނުމާބެހޭ ބިލު
11- ނަފްސާނީ ސިއްހަތު ބިލު
12- ސުލްހަވެރިކަމާއެކު އެއްވެއުޅުމުގެ މިނިވަންކަމުގެ ގާނޫނަށް އިސްލާހު ގެނައުމުގެ ބިލު
13- ދައުލަތުގެ ފިސްކަލް ޒިންމާގެ ބިލު
14- ދައުލަތުގެ ދަރަންޏާގުޅޭ ބިލު
15- ޖިނާއީ އިޖުރާއަތުގެ ޤާނޫނަށް އިސްލާހު ގެނައުމުގެ ބިލު
16- ދިވެހިރާއްޖޭގެ ޤާނޫނުލްއުޤޫބާތަށް އިސްލާހު ގެނައުމުގެ ބިލު
17- ޖިނާއި މައްސަލަތަކުގައި ޤާނޫނީ އެހީތެރިކަން ބަދަލުކުރުމުގެ ބިލު
18- ދިވެހިރާއްޖޭގެ ޤާނޫނީ ފަންނުގެ ޤާނޫނަށް އިސްލާހު ގެނައުމުގެ ބިލު
19- އެންޓި-ޑިފެކްޝަން ޤާނޫނަށް އިސްލާހު ގެނައުމުގެ ބިލު
20- ދިވެހިރާއްޖޭގެ ޓޫރިޒަމާބެހޭ ޤާނޫނަށް އިސްލާހު ގެނައުމުގެ ބިލު
21- ފޮރިން އިންވެސްޓްމަންޓު ބިލު
22- މޯލްޑިވްސް އިންޓަރނޭޝަނަލް ފައިނޭންޝަލް ސާވިސް އޮތޯރިޓީގެ ބިލު
23- ޑިޕްލޮމެޓިކް އިމްތިޔާޒުގެ ބިލު
24- އިންޝުއަރެންސާބެހޭ ބިލު
25- މަސައްކަތުގެ މާހައުލުގެ ސަލާމަތާއި ސިއްހީ ރައްކާތެރިކަމުގެ ޤާނޫނަށް އިސްލާހު ގެނައުމުގެ ބިލު
26- އިންޑަސްޓްރިއަލް ރިލޭޝަންސްއާގުޅޭ ޤާނޫނަށް އިސްލާހު ގެނައުމުގެ ބިލު
27- އެއްގަމު ދަތުރުފަތުރުގެ ޤާނޫނަށް އިސްލާހު ގެނައުމުގެ ބިލު
28- މަސްތުވާތަކެއްޗާބެހޭ ޤާނޫނަށް އިސްލާހު ގެނައުމުގެ ބިލު
29- ހެއްކާބެހޭ ޤާނޫނަށް އިސްލާހު ގެނައުމުގެ ބިލު
30- އެޓަރނީ ޖެނެރަލްގެ އޮފީހުގެ ބިލު
31- ޖަނަވާރުގެ ސިއްހަތާބެހޭ ބިލު
32- ދިވެހިރާއްޖޭގެ ކުޅިވަރު ޤާނޫނަށް އިސްލާހު ގެނައުމުގެ ބިލު
33- ވަޒީފާއާބެހޭ ޤާނޫނަށް އިސްލާހު ގެނައުމުގެ ބިލު
34- ތައުލީމުގެ ޤާނޫނަށް އިސްލާހު ގެނައުމުގެ ބިލު
35- މައުލޫމާތު ހޯދައި ލިބިގަތުމުގެ ހައްޤުގެ ޤާނޫނަށް އިސްލާހު ގެނައުމުގެ ބިލު
36- ބްރޯޑްކާސްޓްކުރުމުގެ ޤާނޫނަށް އިސްލާހު ގެނައުމުގެ ބިލު
37- މޯލްޑިވްސް މީޑިއާ ކައުންސިލްގެ ޤާނޫނަށް އިސްލާހު ގެނައުމުގެ ބިލު
މީގެތެރެއިން ބައެއް ބިލުތައް ސަރުކާރުގެ ފަރާތުން މިހާރުވެސް ވަނީ ރައްޔިތުންގެ މަޖިލީހަށް ހުށަހަޅާފައެވެ. އެގޮތުން ސިއްހީ ހިދުމަތް ދިނުމުގެ ޤާނޫނަށް އިސްލާހު ގެނައުމުގެ ބިލު އަދި ސޮވްރިން ޑިވެލޮޕްމަންޓް ފަންޑުގެ ބިލު ވަނީ ރައްޔިތުންގެ މަޖިލީހަށް ހުށަހަޅާފައެވެ.