ނަވާރަ ވަނަ ރައްޔިތުން މަޖިލީހުން ރުހުން ނުދިން މި ސަރުކާރުގެ އެޓަރނީ ޖެނެރަލް އަލްއުސްތާޛު އަހްމަދު އުޝާމަށް ރައްޔިތުންގެ މަޖިލީހުން ރުހުން ދީފިއެވެ.
މިދިޔަ މަޖިލީހުން ރުހުން ނުދިނީ އިސްލާމިކް މިނިސްޓަރު ޑރ. މުހައްމަދު ޝަހިމް އަލީ ސައިދާއި ހައުސިން މިނިސްޓަރު އަލީ ހައިދަރުގެ އިތުރުން އެޓާނީ ޖެނެރަލް އަހުމަދު އުޝާމަށެވެ.
އެޓަރނީ ޖެނެރަލް، އަޙްމަދު އުޝާމްއަށް ރުހުން ދޭން ފެންނަކަމަށް 87 މެންބަރުން ވޯޓު ދީފައިވާއިރު ރުހުން ދިނުމާ ދެކޮޅަށް އެއްވެސް މެންބަރެއް ވޯޓު ދީފައެއް ނުވެއެވެ.
އެމްޑީޕީގެ ސުޕަމެޖޯރިޓީ އޮތް 19 ވަނަ މަޖިލީހުން މި ތިން މިނިސްޓަރުންނަށް ރުހުން ނުދިނުމުން ރައީސް ޑރ. މުހައްމަދު މުއިއްޒު ވަނީ މި ތިން މިނިސްޓަރުން އަލުން މަގާމަށް އައްޔަނު ކޮށްފައެވެ. އަދި ރުހުން ހޯދުމުގެ މައްސަލަ ދެވަނަ ފަހަރަށް މަޖިލީހަށް ފޮނުވީ ފެބްރުއަރީ 6 ވަނަ ދުވަހުއެވެ.
އެހެންނަމަވެސް 19 ވަނަ މަޖިލީހުން ނިންމާފައިވަނީ ރުހުން ނުދިން މިނިސްޓަރުން އަލުން އެ މަގާމުތަކަށް އައްޔަންކުރި މައްސަލައިގައި މަޖިލީހުން އަމަލު ކުރާނެ ގޮތެއް ނިމެންދެން ރުހުން ދިނުމުގެ މައްސަލަ އެޖެންޑާ ނުކުރުމަށެވެ. ވަޒީރުންނަށް ރުހުން ދިނުމުގެ މައްސަލަ ކުރިއަށް ގެންގޮސްފައިވަނީ 20 ވަނަ މަޖިލީހުންނެވެ.