ކުރިއަށް އޮތް ބޮޑު އީދަށް ކުލަބޮކިތަކުން މާލެ ދިއްލައިލުމުގެ ތައްޔާރީތައް ވާން ފަށައިފި އެވެ.
މާލޭ ސިޓީ ކައުންސިލުން މިއަދު ބުނީ ބޮޑު ޢީދުގައި ވެސް ކުޑަ އީދާ އެއްގޮތަށް މާލެ ސަރަހައްދު ލައިޓުތަކުން ދިއްލައިލާނެ ކަމަށެވެ. ހަރުކުރާނެ ކަމަށެވެ. އެގޮތުން މިހާރު އެކަމަށް ބޭނުންވާ ލައިޓްތައް ހަރުކޮށް ޓެސްޓްކުރުމުގެ މަސައްކަތް ވަނީ ފަށައިފަ އެވެ.
ސަރުކާރުން ވަނީ މި އަހަރުގެ ބޮޑު ޢީދު ގައުމީ ފެންވަރެއްގައި 3 ރަށެއްގައި ފާހަގަކުރަން ނިންމައިފަ އެވެ. އެއީ
ރ. އުނގޫފާރާއި ދ. ކުޑަހުވަދޫގެ އިތުރުން ގއ. ވިލިނގިއްޔެވެ.
ރާއްޖޭގެ އެކި ހިސާބުތަކުގައި ބޮޑު އީދު ކުލަގަދަކޮށް ފާހަގަކުރަން ކައުންސިލްތަކުން ވެސް އަންނަނީ ތައްޔާރީތައްވަމުންނެވެ.
ބޮޑު އީދު ދުވަހަކީ މި މަހުގެ 16 އެވެ.
މި އަހަރުގެ ފިތުރު އީދު ވެސް ރާއްޖޭގައި ކުލަގަދަކޮށް ފާހަގަކުރި އެވެ. އެގޮތުން ވަރަށް ގިނަ ރަށްތައް އިސްލާމީވަންތަކަން ދައްކުވައިދޭ ގިޑިގެތަކާއި ކުލަބޮކިތަކުން ދިއްލި އެވެ.