އިންޑިއާގެ އަންހެން ޓެނިސް ލެޖެންޑް ސާނިއާ މިރުޒާ ވެސް މި އަހަރު ހައްޖުގެ އަޅުކަން އަދާކުރަން ސައޫދީ އަރަބިއްޔާ އަށް ހިނގައްޖެ އެވެ.
އޭނަ ހައްޖަށް ދިޔައީ 6 އަހަރުގެ ދަރިފުޅު އިޒްހާން މިރުޒާ މާލިކް ވެސް ގޮވައިގެންނެވެ.
ހައްޖަށް އިއްޔެ ފުރުމުގެ އިންސްޓަގްރާމް ޕޯސްޓެއްގައި ސާނިއާ ބުނީ މި މަތިވެރި އަޅުކަން އަދާކުރަން ލިބުމަކީ ވަރަށް ބޮޑު ނަސީބެއް ކަމަށެވެ. އެހެންވެ އިސްލާމް ދީނުގެ ފަސް ވަނަ ރުކުނުގެ ތަޖުރިބާ އަކީ ވަރަށް ހިތްގައިމު ތަޖުރިބާއަކަށް ވާން ބޭނުންވާ ކަމަށް ބުންޏެވެ. ސާނިއާގެ ޕޯސްޓްގައި ވަނީ އޭނަގެ ފަރާތުން އެއްވެސް މީހަކަށް ދެރަ ބަހެއް ބުނެވި ނުވަތަ އެ ނޫން ވެސް ކަމެއް ކުރެވިފައިވާ ނަމަ މައާފަށް ވެސް އެދޭ ކަމަށް ބުނެފަ އެވެ.
މިހާރު އުމުރުން 37 އަހަރުގެ ސާނިއާ އަކީ އިންޑިއާގައި އުފެދުނު އެންމެ މޮޅު އަދި އެންމެ ކާމިޔާބު އަންހެން ޓެނިސް ތަރި އެވެ. އޭނަ ވަނީ 2022 ގައު ޓެނިހުން ރިޓަޔާކޮށްފަ އެވެ.
ސާނިއާގެ ދަރިފުޅުގެ ބައްޕަ އަކީ ޕާކިސްތާންގެ ކްރިކެޓް ތަރިއެއް ކަމަށްވާ ޝުއިބް މާލިކެވެ. އެ މީހުން ކައިވެނި 2022 ގައި ވަނީ ރޫޅާލައިފަ އެވެ.
ސާނިއާ މި އަހަރުގެ ހައްޖުގެ އަޅުކަން އަދާކުރާ އިރު، އޭނަ މިދިޔަ އަހަރު އުމްރާ ވެސް ވެފައިވެ އެވެ.
މި އަހަރުގެ ހައްޖު ދުވަހަކީ މި މަހުގެ 15 އެވެ.