ޝަރުތު ހަމަވި 1،015 ދަރިވަރަކަށް ސްޓޫޑެންޓް ލޯނު ލިބޭކަން އިއުލާން ލިސްޓް އާންމުކޮށްފި އެވެ.
މި އަހަރު 500 ލޯންގެ ފުރުސަތަށް ހުޅުވައިލުމުން 1،709 ދަރިވަރުން ކުރިމަތިލި ކަމަށް ހަޔަ އެޑިއުކޭޝަން މިނިސްޓްރީން ބުންޏެވެ.
އެ މިނިސްޓްރީން މިއަދު ބުނީ މި އަހަރުގެ ލޯނަށް 1،153 ދަރިވަރުން ކޮލިފައިވި ކަމަށާއި ވެފައިވާ ލޯނަށް ހޮވިފައި ވަނީ 1،015 ދަރިވަރުން ކަމަށެވެ. އަދި އެ ދަރިވަރުންނަށް އަންނަ ބުރާސްފަތީގައި "ސްޕޮންސާ ލެޓާ" ލިބޭނެ ކަމަށް ވެސް މިނިސްޓްރީން ބުންޏެވެ.
މިނިސްޓްރީން ބުނީ މިއަދު އާންމުކުރި، ލޯނު ލިބުނު ދަރިވަރުންގެ ލިސްޓަށް ބަލާ އިރު، ޕައިލެޓް ލައިސެންސް ސްލޮޓްތަކުން ފެންނަން ހުންނާނީ ވަގުތީ ނަތީޖާ ކަމަށާއި އެހެނިހެން ސްލޮޓްތަކަށް ހޮވިފައިވާ ދަރިވަރުންގެ ދާއިމީ ނަތީޖާ އެވެ. އަދި ލޯނަށް ނުހޮވޭ ދަރިވަރުން، ނުހޮވުނު ސަބަބު މިނިސްޓްރީގެ ވެބްސައިޓުން ސާފުވާން ހުންނާނެ އެވެ.
ސްޓޫޑެންޓް ލޯނަށް ޝަރުތު ހަމަ ނުވާ ސަބަބާ މެދު އިތުރު ސުވާލެއް އޮތް ނަމަ އެކަން ބަޔާންކޮށް ޝަކުވާ ހުށަހެޅުމުގެ ފުރުސަތު މިއަދުން ފެށިގެން މި މަހުގެ 25 ގެ ނިޔަލަށް މިހާރު އޮތީ ހުޅުވާލައިފަ އެވެ. ޝަކުވާ ހުށަހަޅާނީ އީ-އީމެއިލް މެދުވެރިކޮށެވެ.