މިދިޔަ ހަފުތާގައި އއ. ތޮއްޑޫ ކައުންސިލް އިދާރާ ކުރިމަތީގައި ކުރި މުޒާހަރާއެއްގައި އެ އިމާރާތަށް ގެއްލުން ދިން މައްސަލައާއި ގުޅިގެން ހައްޔަރުކުރި 8 މީހުން ވެސް ދޫކޮށްލައިފި އެވެ.
އެ ރަށުގައި މި މަހުގެ 5 ވަނަ ދުވަހު މުޒާހަރާ ކުރީ ދަނޑުވެރިކަމަށް ބިން ދޫކުރި ގޮތާއިމެދު ހިތްހަމަނުޖެހިގެންނެވެ. މުޒާހަރާ ކުރި މީހުން ވަނީ ކައުންސިލް އިދާރާ ހުންނަ އިމާރާތުގެ ފުރާޅަށް ގާ އުކައި، އިމާރާތުގެ ދޮރުތަކުގެ ބިއްލޫރިތައް ވެސް ތަޅާލައިފަ އެވެ.
ފުލުހުން ބުނީ އެ މައްސަލައާއި ގުޅިގެން ހައްޔަރުކުރި މީހުންގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން ޝަރުތު ކުރުމަށް ފަހު އެންމެން ވެސް ދޫކޮށްލާފައިވާ ކަމަށެވެ. ނަމަވެސް ފުލުހުން އިތުރު ތަފުސީލެއް ނުދެ އެވެ.
ތޮއްޑޫގެ ހަމަނުޖެހުމާ ގުޅިގެން އެކަން ކޮންޓްރޯލް ކުރަން އުޅުނު ފުލުހަކަށް އަނިޔާވެގެން ހަރަކާތްތެރިވި ފުލުހަކަށްވެސް އަނިޔާވި ސިއްހީ މަރުކަޒުގައި ފަރުވާ ވެސް ދީފައިވެ އެވެ.