ކުރިއަށް އޮތް ބޮޑު ޢީދާ ގުޅިގެން ކު ސަރުކާރު ބަންދު ދުވަސްތަކުގައި ބޭންކް އޮފް މޯލްޑިވްސް ބީއެމްއެލް) ހުޅުވުމަށް ހަމަޖެހިފައި މި މަހުގެ 18 ގައި ކަމަށް އެ ބޭންކުން ބުނެފި އެވެ.
ގައުމީ ބޭންކުން ބުނީ އެ ދުވަހު ހިދުމަތް ދޭނީ ހެނދުނު 08:30 އިން މެންދުރު ފަހު 2:00 އަށް ކަމަށެވެ.
ބީއެމްއެލް އިން ބުނީ އީދު ބަންދު ތެރޭގައި ރާއްޖޭގެ އެކި ކަންކޮޅުތަކުގައި ގާއިމްކޮށްފައިވާ ސެލްފް ސާވިސް ބޭންކިން ސެންޓަރުތައް މެދުވެރިކޮށް ފައިސާ ޖަމާކުރުމާއި، ފައިސާ ނެގުމާއި ފައިސާ ފޮނުވުމުގެ ހިދުމަތް 24 ގަޑިއިރު ލިބޭނެ ކަމަށެވެ. އަދި ރަށްތަކުގައި ގާއިމުކޮށްފައިވާ ކޭޝް އެޖެންޓުން މެދުވެރިކޮށް އަސާސީ ބޭންކިން ހިދުމަތްތައް ވެސް ޢީދު ބަންދުގެ ދުވަސްތަކުގައި ކަސްޓަމަރުންނަށް ލިބޭނެ އެވެ.
ބީއެމްއެލް އިން ބުނީ އެދެނީ އިންޓަނެޓް ބޭންކިން އާއި މޮބައިލް އެޕް މެދުވެރިކޮށް ކަސްޓަމަރުން ބޭންކިން ހިދުމަތްތައް ހޯދުމަށް ކަމަށެވެ.