މަކަރާއި ހީލަތުގެ މައްސަލައެއްގެ ތަހުގީގަށް އަނެއްކާ ވެސް މީހަކު ހޯދަން އިއުލާންކޮށްފި އެވެ.
ފުލުހުން މި ފަހަރު ހޯދަން އިއުލާންކުރީ މާލެ، ގ. ބްލޫރިވާ، އާދަމް ރަޝީދު، 38 އެވެ.
ފުލުހުން ބުނީ އޭނަ ހޯދަން އިއުލާން ކުރީ ހއ. އިހަވަންދޫ ޕޮލިސް ސްޓޭޝަނުން ތަހުގީގު ކުރަމުން އަންނަ މަކަރާއި ހީލަތުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އެހެންވެ މާލޭގެ ސާޖަންޓް އާދަމް ހަލީމް ކްރައިމް އިންވެސްޓިގޭޝަން ބިލްޑިން ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް މި މަހުގެ 24 ވަނަ ދުވަހުގެ ހެނދުނު 11:00 އަށް ރަޝީދު ހާޒިރުވާން އަންގާފައިވެ އެވެ.
ފުލުހުން މި ފަހުން އެންމެ ގިނައިން މީހުން ހޯދަން އިއުލާން ކުރަނީ މަކަރާއި ހީލަތުގެ މައްސަލަތަކާ ގުޅިގެންނެވެ. މިއީ މިހާރު ރާއްޖޭގައި އެންމެ ބޮޑަށް އިތުރުވަމުންދާ ކުށެވެ.
އެހެންވެ ސްކޭމްތަކާ ދެކޮޅަށް މަސައްކަތް ކުރަން ފުލުހުން ވަނީ އެންޓި-ސްކޭމް ސެންޓަރެއް ގާއިމު ކުރަން ވެސް ނިންމައިފަ އެވެ.